Isa 53 | Ndebele | STEP | Ngubani okholwe umbiko wethu ? Njalo ingalo yeN kosi yembulelwe bani?

1 Ngubani okholwe umbiko wethu ^a? Njalo ingalo yeNkosi ^b yembulelwe bani? 2 Ngoba uzakhula phambi kwakhe njengesihlahla esibuthakathaka, lanjengempande ^c emhlabathini owomileyo ^d; kalasimo kumbe ubuhle ^e; lapho simbona, kalakubukeka ukuthi simloyise. 3 Uyeyiswa ^f njalo udelelwa ngabantu ^g; umuntu wezinsizi ^h, njalo ejwayele inhlungu ⁱ; kwangathi sifihla ubuso kuye ^j; weyiswa, kasimnanzanga ^k.

4 Isibili yena wathwala inhlungu zethu ^l, waphatha insizi zethu; kanti thina sathi ujezisiwe ^m, utshayiwe nguNkulunkulu ⁿ, njalo uhlutshiwe. 5 Kodwa walinyazwa ^{o
,} ^p ngenxa yeziphambeko zethu, wachotshozwa ngenxa yobubi bethu; ukujeziswa ^q kokuthula kwethu ^r kwakuphezu kwakhe, langemivimvinya yakhe thina sisilisiwe ^{s
,} ^t. 6 Thina sonke njengezimvu siduhile ^{u
,} ^v; saphendukela ngulowo lalowo endleleni yakhe ^w; njalo iNkosi ^x yehlisele phezu kwakhe ububi bethu sonke. 7 Wacindezelwa ^y njalo yena wahlutshwa, kube kanti kawuvulanga umlomo wakhe ^z; walethwa ekuhlatshweni njengewundlu ^{aa
,} ^ab, lanjengemvu ithule phambi kwabagundi bayo, laye kawuvulanga umlomo wakhe. 8 Wasuswa ekucindezelweni lekwahlulelweni ^ac; njalo ngubani ^ad ongakhuluma ngesizukulwana sakhe? Ngoba waqunywa ^ae wasuswa elizweni labaphilayo ^af; ngenxa yesiphambeko sabantu bami watshaywa. 9 Wenza ingcwaba lakhe kanye lababi, njalo kanye lonothileyo ekufeni kwakhe ^ag; ngoba ^ah engenzanga okubi ^ai, njalo kungekho inkohliso emlonyeni wakhe.

10 Kanti kwayithokozisa iNkosi ukumchoboza, yamenza adabuke ^aj. Lapho uzakwenza umphefumulo wakhe ^ak umnikelo wesono ^al, uzabona inzalo yakhe ^am, elule izinsuku zakhe ^an, lentokoziso yeNkosi ^ao izaphumelela esandleni sakhe. 11 Uzabona okuvela ekuhluphekeni komphefumulo wakhe, eneliswe ^ap; ngolwazi lwayo ^aq, inceku yami elungileyo ^{ar
,} ^as izalungisisa ^at abanengi ^au, ngoba yona izathwala ububi babo ^av. 12 Ngakho ngizayabela ^aw kanye labakhulu, yabelane impango kanye labalamandla ^ax; ngoba yathulula umphefumulo wayo ekufeni ^ay, yabalwa ndawonye labaphambeki ^az; njalo yona yathwala isono sabanengi, yalabhelela abaphambeki ^ba.