Jer 2:30, 5:3, Amo 4:6-12 | Ndebele | STEP | Ngibatshayile abantwana benu ngeze; kabemukelanga ukuqondiswa; inkemba yenu ibadlile abaprofethi benu, njengesilwane esichithayo.

Jeremiah 2:30

30 Ngibatshayile abantwana benu ^a ngeze; kabemukelanga ukuqondiswa; inkemba yenu ibadlile abaprofethi benu, ^b njengesilwane esichithayo.

Jeremiah 5:3

3 Nkosi, amehlo akho kawakho eqinisweni yini? ^c Ubatshayile, ^{d
,} ^e kodwa kabezwanga buhlungu; ^f ubaqothule, kodwa bala ukwemukela ukulaywa. ^g Benzile ubuso babo bube lukhuni kuledwala, ^h bala ukuphenduka. ⁱ

Amos 4:6-12

6 Ngakho mina ngilinikile futhi ukuhlanzeka kwamazinyo emizini yonke yenu, lenswelo yesinkwa endaweni zenu zonke ^j; kanti kaliphendukelanga kimi ^k, itsho iNkosi. 7 Futhi-ke mina ngaligodlela izulu ^l, kuseselenyanga ezintathu kusiya ekuvuneni ^m; ngalinisa komunye umuzi ⁿ, kodwa kalinanga komunye umuzi; esinye isiqinti sanethwa, kodwa isiqinti esinganethwanga satsha. 8 Kwasekuzula imizi emibili loba emithathu ^o yayanatha amanzi emzini owodwa, kodwa kayikholwanga; kanti kaliphendukelanga kimi ^p, itsho iNkosi.

9 Ngalitshaya ngokuhanguka langengumane ^q; ukwanda kwezivande zenu, lezivini zenu, lezihlahla zenu zemikhiwa, lezihlahla zenu zemihlwathi, kwadliwa ^r zintethe ^s; kanti kaliphendukelanga kimi ^t, itsho iNkosi. 10 Ngathumela phakathi kwenu umatshayabhuqe wesifo, ngokwendlela yeGibhithe ^u, ngabulala amajaha enu ngenkemba, kanye lokuthunjwa kwamabhiza enu ^v; njalo ngenza ivumba lenkamba yenu lenyuka ngitsho emakhaleni enu ^w; kanti kaliphendukelanga kimi ^x, itsho iNkosi.

11 Ngachitha abanye phakathi kwenu njengalokho uNkulunkulu wachitha iSodoma leGomora ^y, lalinjengesikhuni ^{z
,} ^aa esophulwe ekutsheni ^{ab
,} ^ac; kanti kaliphendukelanga kimi ^ad, itsho iNkosi. 12 Ngakho ngizakwenza ngokunjalo kuwe, Israyeli; ngenxa yokuthi ngizakwenza lokhu kuwe, zilungiselele ukuhlangana loNkulunkulu wakho, Israyeli ^ae.