Joh 21 | Ndebele | STEP | Emva kwalezizinto uJesu wabuya wazibonakalisa kubafundi elwandle lweTiberiyasi ; njalo wazibonakalisa ngalindlela.

‏ John 21

UJesu uzibonakalisa kubafundi bakhe elwandle lweTiberiyasi

1 Emva kwalezizinto uJesu wabuya wazibonakalisa ^a kubafundi elwandle lweTiberiyasi ^b; njalo wazibonakalisa ngalindlela. 2 Babendawonye oSimoni Petro, loTomasi othiwa nguDidimusi ^c, loNathaniyeli ^d oweKana yeGalili ^e, lamadodana kaZebediya, labanye ababili babafundi bakhe ^f. 3 USimoni Petro wathi kubo: Ngiyagola inhlanzi. Bathi kuye: Lathi sizahamba lawe. Basebephuma bahle bangena emkhunjini ^g, kodwa ngalobobusuku kababambanga lutho ^h. 4 Kwathi sekusemadabukakusa uJesu wema ekhunjini ⁱ; kodwa abafundi babengazi ukuthi nguJesu ^j. 5 Ngakho uJesu wathi kubo: Bantwana, lilokudla yini ^k? Bamphendula bathi: Hatshi ^l. 6 Wasesithi kubo: Phosani imbule ehlangothini lokunene lomkhumbi, njalo lizathola ^m. Basebephosa, njalo babengaselakho ukulidonsa ngenxa yobunengi benhlanzi. 7 Ngakho lowomfundi uJesu ayemthanda wathi kuPetro ⁿ: YiNkosi. USimoni Petro, esezwile ukuthi yiNkosi, wagqoka isembatho ^o (ngoba wayenqunu ^p), waseziphosela olwandle. 8 Kodwa abanye abafundi beza ngomkolo ^q, bedonsa imbule lenhlanzi, ngoba babengekhatshana lomhlabathi, kodwa kungaba zingalo ezingamakhulu amabili. 9 Kwathi sebekhuphukele emhlabathini, babona umlilo wamalahle ^r khona, lenhlanzi zibekwe phezu kwawo, lesinkwa ^s. 10 UJesu wathi kubo: Lethani ezinye zezinhlanzi elisanda kuzibamba ^t. 11 USimoni Petro wasekhwela, wahudulela imbule emhlabathini, ligcwele inhlanzi ezinkulu, ikhulu lamatshumi amahlanu lantathu; njalo lanxa zazinengi kangaka, imbule kalidabukanga ^u. 12 UJesu wathi kubo: Wozani ^v lidle ^w. Kodwa kakho kubafundi owaba lesibindi sokumbuza ukuthi: Ungubani wena? besazi ukuthi yiNkosi. 13 UJesu wasesiza ^x, wathatha isinkwa, wabanika, lenhlanzi ngokufananayo ^y. 14 Lokhu sekungokwesithathu uJesu ebonakaliswa ^z kubafundi, esevukile kwabafileyo ^aa.

Ukholo lukaPetro

15 Sebedlile ^ab, uJesu wathi kuSimoni Petro: Simoni kaJona ^ac, uyangithanda kulalaba yini ^ad? Wathi kuye: Yebo Nkosi; wena uyazi ukuthi ngiyakuthanda. Wathi kuye: Phana amawundlu ami ukudla. 16 Wabuya wathi kuye ngokwesibili: Simoni kaJona, uyangithanda yini ^ae? Wathi kuye: Yebo Nkosi, wena uyazi ukuthi ngiyakuthanda. Wathi kuye: Yelusa izimvu zami ^af. 17 Wathi kuye ngokwesithathu: Simoni kaJona, uyangithanda yini ^ag? UPetro wadabuka ngoba wathi kuye ngokwesithathu: Uyangithanda yini ^ah? Wasesithi kuye: Nkosi, wena uyakwazi konke; wena uyakwazi ukuthi ngiyakuthanda ^ai. UJesu wathi kuye: Phana izimvu zami ukudla. 18 Ngiqinisile, ngiqinisile, ngithi kuwe ^aj: Usemutsha, wawuzibhinca, uhamba lapho othanda khona; kodwa nxa usumdala, uzakwelula izandla zakho, omunye abesekubopha, akuse lapho ongathandi khona ^ak. 19 Lalokhu wakutsho, etshengisa indlela yokufa ^al ayezadumisa uNkulunkulu ngayo ^am. Esetshilo lokhu wathi kuye: Ngilandela ^an.

20 UPetro etshibilika wabona umfundi uJesu amthandayo elandela ^ao, yena futhi owayeyeme esifubeni sakhe ekudleni kwantambama wathi: Nkosi, ngubani ozakunikela ^ap? 21 Kwathi uPetro embona wathi kuJesu: Nkosi, lo-ke? 22 UJesu wathi kuye: Uba ngithanda ukuthi ahlale ^aq ngize ngifike, ulani lakho ^ar? Ngilandela wena ^as. 23 Ngakho lelilizwi laphumela kubazalwane, ukuthi lowomfundi kayikufa; kanti uJesu katshongo kuye ukuthi kayikufa; kodwa wathi: Uba ngithanda ukuthi ahlale ngize ngifike, ulani lakho ^at?

Isicino

24 Nguye lowomfundi ofakaza ngalezizinto, lozibhalileyo; njalo siyazi ^au ukuthi ubufakazi bakhe buliqiniso ^av. 25 Njalo zikhona lezinye izinto ezinengi uJesu azenzayo, uba bezilotshiwe zonke ngazinye ^aw, ngicabanga ukuthi lomhlaba lawo ^ax ubungebe lendawo yezingwalo ezilotshiweyo. Ameni ^ay.