Jos 13 | Ndebele | STEP | UJoshuwa wayesemdala eleminyaka eminengi. IN kosi yasisithi kuye: Usumdala, uleminyaka eminengi, kusasele ilizwe elikhulu kakhulu ukudla ilifa lalo .

1 UJoshuwa wayesemdala eleminyaka eminengi. INkosi yasisithi kuye: Usumdala, uleminyaka eminengi, kusasele ilizwe elikhulu kakhulu ukudla ilifa lalo ^a. 2 Yileli ilizwe eliseleyo ^b: Yonke imingcele yamaFilisti ^c, leGeshuri yonke ^d, 3 kusukela eShihori eliphambi kweGibhithe, kusiya emngceleni weEkhironi enyakatho, elibalelwa kumaKhanani ^e; ababusi abahlanu bamaFilisti ^f, abeGaza, labeAshidodi, abeAshikeloni, abeGathi, labeEkhironi ^g, labeAvi ^h, 4 kusukela eningizimu, ilizwe lonke lamaKhanani, leMeyara elingelamaSidoni, kuze kufike eAfeki ⁱ, kuze kube semngceleni wamaAmori ^j, 5 lelizwe lamaGebali, leLebhanoni lonke, kusiya empumalanga ^k, kusukela eBhali-Gadi ngaphansi kwentaba yeHermoni ^l, kusiya ekungeneni kweHamathi ^m. 6 Bonke abakhileyo ezintabeni, kusukela eLebhanoni kusiya eMisirefothi-Mayimi, wonke amaSidoni ⁿ, mina ngizabaxotsha elifeni phambi kwabantwana bakoIsrayeli ^o. Kuphela ulabele uIsrayeli ngenkatho libe yilifa, njengoba ngikulayile ^p. 7 Ngakho-ke yehlukanisa ilizwe leli libe yilifa ezizweni eziyisificamunwemunye lengxenye yesizwe sakoManase.

Ilizwe elanikwa isizwe sakoRubeni lesakoGadi lengxenye yesizwe sakoManase

8 Kanye labo abakoRubeni labakoGadi bemukela ilifa labo, uMozisi owabanika lona, ngaphetsheya kweJordani ngempumalanga, njengalokho uMozisi inceku yeNkosi wabanika ^q: 9 Kusukela eAroweri esekhunjini lwesifula seArinoni, lomuzi ophakathi kwesifula ^r, lamagceke wonke ^s eMedeba ^t kuze kube seDiboni ^u, 10 lemizi yonke kaSihoni inkosi yamaAmori owabusa eHeshiboni ^v, kuze kube semngceleni wabantwana bakoAmoni, 11 leGileyadi ^w lomngcele wamaGeshuri lamaMahakathi ^x lentaba yonke yeHermoni ^y leBashani lonke kuze kube seSaleka ^z, 12 umbuso wonke kaOgi eBashani owabusa eAshitarothi leEdreyi ^aa. Nguye owasala kunsali yeziqhwaga ^ab. UMozisi wayebatshaye-ke wabaxotsha elifeni labo. 13 Kodwa abantwana bakoIsrayeli kabawaxotshanga elifeni amaGeshuri lamaMahakathi; kodwa amaGeshuri lamaMahakathi ahlala phakathi kukaIsrayeli kuze kube lamuhla ^ac. 14 Kuphela esizweni sakoLevi kanikanga ilifa; iminikelo yeNkosi uNkulunkulu kaIsrayeli eyenziwe ngomlilo iyilifa laso ^ad, njengokutsho kwayo kuso ^ae.

15 UMozisi wasenika isizwe sabantwana bakoRubeni ngokwensendo zabo. 16 Lomngcele waso wasukela eAroweri ^af esekhunjini lwesifula seArinoni, lomuzi ophakathi kwesifula, lamagceke ^ag wonke eMedeba ^ah, 17 iHeshiboni, lemizi yayo yonke esemagcekeni ^ai, iDiboni ^aj leBamothi-Bhali leBeti-Bhali-Meyoni, 18 leJahaza ^ak leKedemothi ^al leMefahathi ^am, 19 leKiriyathayimi ^an leSibima leZerethi-Shahari entabeni yesigodi ^ao, 20 leBeti-Peyori ^ap leAshidodi-Pisiga leBeti-Jeshimothi ^aq, 21 lemizi yonke yamagceke, lombuso wonke kaSihoni inkosi yamaAmori, owayebusa eHeshiboni ^ar, uMozisi amtshaya ^as leziphathamandla zeMidiyani ^at, oEvi loRekemi loZuri loHuri loReba, amakhosana kaSihoni, abakhileyo belizwe ^au.

22 LoBalami indodana kaPeyori ^av, ovumisayo, abantwana bakoIsrayeli bambulala ngenkemba phakathi kwababuleweyo babo. 23 Lomngcele wabantwana bakoRubeni wawuyiJordani lomngcele wayo. Lokhu kwakuyilifa labantwana bakoRubeni ngokwensendo zabo, imizi lemizana yayo.

24 UMozisi wasenika isizwe sakoGadi, kubantwana bakoGadi ngokwensendo zabo. 25 Lomngcele wabo wawuyiJazeri ^aw layo yonke imizi yeGileyadi lengxenye yelizwe labantwana bakoAmoni ^ax, kusiya eAroweri, ephambi kweRaba ^ay, 26 njalo kusukela eHeshiboni kusiya eRamathi-Mizipa leBetonimi ^az, njalo kusukela eMahanayimi ^ba kuze kube semngceleni weDebhiri ^bb; 27 lesigodini, iBeti-Harama ^bc leBeti-Nimira ^bd leSukothi leZafoni, insali yombuso kaSihoni inkosi yeHeshiboni, iJordani lomngcele ^be, kuze kube sekupheleni kolwandle lweKinerethi ngaphetsheya kweJordani empumalanga ^bf. 28 Leli yilifa labantwana bakoGadi ngokwensendo zabo, imizi lemizana yabo.

29 UMozisi wasenika ingxenye yesizwe sakoManase ilifa; njalo yayingeyengxenye yesizwe sabantwana bakoManase ngokwensendo zabo. 30 Lomngcele wabo wasukela eMahanayimi, iBashani lonke, umbuso wonke kaOgi inkosi yeBashani, layo yonke imizana yeJayiri eseBashani, imizi engamatshumi ayisithupha ^bg. 31 Lengxenye yeGileyadi, leAshitarothi, leEdreyi, imizi yombuso kaOgi eBashani, yayingeyabantwana bakoMakiri indodana kaManase ^bh, ngitsho eyengxenye yabantwana bakoMakiri ngokwensendo zabo ^bi. 32 La yiwo uMozisi awanika aba yilifa emagcekeni akoMowabi ngaphetsheya kweJordani eJeriko empumalanga ^bj.

33 Kodwa esizweni sakoLevi uMozisi kanikanga ilifa ^bk; iNkosi, uNkulunkulu kaIsrayeli, iyilifa labo, njengokutsho kwayo kubo ^bl.