Lev 16:14-16 | Ndebele | STEP | Athathe okwegazi lejongosi , alifafaze ngomunwe wakhe phezu kwesihlalo somusa empumalanga ; langaphambi kwesihlalo somusa uzafafaza okwegazi kasikhombisa ngomunwe wakhe.

Leviticus 16:14-16

14 Athathe okwegazi lejongosi ^a, alifafaze ngomunwe wakhe phezu kwesihlalo somusa empumalanga ^b; langaphambi kwesihlalo somusa uzafafaza okwegazi kasikhombisa ngomunwe wakhe.

15 Abesehlaba impongo yomnikelo wesono engeyabantu ^c, alethe igazi layo ngaphakathi kweveyili ^d, enze ngegazi layo njengokwenza kwakhe ngegazi lejongosi, alifafaze phezu kwesihlalo somusa laphambi kwesihlalo somusa. 16 Ngalokho uzakwenzela indawo engcwele inhlawulo yokuthula ^e, ngenxa yokungcola kwabantwana bakoIsrayeli, langenxa yeziphambeko zabo, ezonweni zabo zonke. Futhi uzalenzela njalo ithente lenhlangano, elihlala labo phakathi kokungcola kwabo.