Lev 20:11-13, 16, 27, 2Sa 1:16, 1Ki 2:32-33, 37 | Ndebele | STEP | Lendoda elala lomkayise yembule ubunqunu bukayise; bobabili bazabulawa lokubulawa; igazi labo liphezu kwabo .

Leviticus 20:11-13

11 Lendoda elala lomkayise yembule ubunqunu bukayise; bobabili bazabulawa lokubulawa; igazi labo liphezu kwabo ^a. 12 Lendoda elala lomalokazana wayo, bobabili bazabulawa lokubulawa ^b; benze ingxube ^c; igazi labo liphezu kwabo. 13 Lendoda elala lowesilisa njengokulala lowesifazana, bobabili benze isinengiso; bazabulawa lokubulawa; igazi labo liphezu kwabo ^d.

Leviticus 20:16

16 Lowesifazana osondela lakuyiphi inyamazana ukulala layo, uzabulala owesifazana lenyamazana; bazabulawa lokubulawa; igazi labo liphezu kwabo.

Leviticus 20:27

27 Njalo owesilisa loba owesifazana, abalamadlozi loba abalumbayo, bazabulawa lokubulawa ^e, bazabakhanda ngamatshe ^f; igazi labo liphezu kwabo ^g.

2 Samuel 1:16

16 UDavida wasesithi kulo: Igazi lakho kalibe phezu kwekhanda lakho ^h; ngoba umlomo wakho ufakaze umelene lawe ⁱ, usithi: Mina ngimbulele ogcotshiweyo weNkosi ^j.

1 Kings 2:32-33

32 Njalo iNkosi izabuyisela igazi lakhe ekhanda lakhe ^k, owasukela amadoda amabili ayelungile engcono kulaye, wawabulala ngenkemba, ubaba uDavida engazi ^l: UAbhineri indodana kaNeri induna yebutho lakoIsrayeli ^m, loAmasa indodana kaJetheri induna yebutho lakoJuda ⁿ. 33 Ngakho igazi labo lizabuyela ekhanda likaJowabi lekhanda lenzalo yakhe kuze kube nininini; kodwa kuDavida lenzalweni yakhe, lendlini yakhe, lembusweni wakhe, kuzakuba lokuthula kuze kube nininini okuvela eNkosini ^o.

1 Kings 2:37

37 Ngoba kuzakuthi mhla uphumayo, uchaphe isifula iKidroni ^p, yazi lokwazi ukuthi uzakufa lokufa; igazi lakho lizakuba phezu kwekhanda lakho ^q.