Lev 21:17-22, Eze 44:10-14 | Ndebele | STEP | Khuluma kuAroni usithi: Loba ngubani owenzalo yakho ezizukulwaneni zabo okulesici kuye kangasondeli ukunikela ukudla kukaNkulunkulu wakhe .

Leviticus 21:17-22

17 Khuluma kuAroni usithi: Loba ngubani owenzalo yakho ezizukulwaneni zabo okulesici kuye kangasondeli ukunikela ukudla kukaNkulunkulu wakhe ^a. 18 Ngoba loba nguwuphi umuntu okulesici kuye angasondeli, umuntu oyisiphofu, kumbe oyisiqhuli, kumbe olimele ebusweni ^b, kumbe olesitho eselulekileyo ^c, 19 kumbe umuntu okulokwephuka konyawo kuye, kumbe ukwephuka kwesandla, 20 kumbe olesifumbu, kumbe ongumuthwa, kumbe olomntwana elihlweni lakhe, kumbe olentembuzane, kumbe oloqweqwe olulumayo ^d, loba olimele emasendeni ^e. 21 Kakulamuntu owenzalo kaAroni umpristi okukuye isici ozasondela ukunikela iminikelo yeNkosi eyenziwe ngomlilo ^f; kulesici kuye, angasondeli ukunikela ukudla kukaNkulunkulu wakhe. 22 Angadla ukudla kukaNkulunkulu wakhe, ezintweni ezingcwelengcwele ^g lezintweni ezingcwele ^h,

Ezekiel 44:10-14

10 Kodwa amaLevi asuka aya khatshana lami ⁱ, lapho uIsrayeli eduha, aduha esuka kimi ^j elandela izithombe zawo, ngitsho azathwala isiphambeko sawo ^k. 11 Kube kanti azakuba yizikhonzi ^l endaweni yami engcwele ^m, belobubonisi bamasango endlu, njalo ekhonza endlini ⁿ; wona azahlaba umnikelo wokutshiswa lomhlatshelo owenzelwa abantu, wona ame phambi kwabo ukuze abakhonze ^o. 12 Ngenxa yokuthi bebakhonze phambi kwezithombe zabo, baba yisikhubekiso sesiphambeko kuyo indlu yakoIsrayeli, ngalokho ngiphakamise isandla sami ngimelene labo ^p, itsho iNkosi uJehova, ukuthi bazathwala isiphambeko sabo ^q. 13 Njalo kabayikusondela kimi ^r, ukuze bangisebenzele njengabapristi, loba basondele lakuziphi izinto zami ezingcwele, endaweni eyingcwelengcwele ^s; kodwa bazathwala ihlazo labo ^t, lamanyala abo abawenzileyo. 14 Kodwa ngizabenza abagcini bomlindo wendlu ^{u
,} ^v, kuwo wonke umsebenzi wayo ^w, lakukho konke okuzakwenziwa kiyo ^x.