Lev 26:14-43, Psa 37:22, Zec 5:4, Mal 2:2 | Ndebele | STEP | Kodwa uba lingangilaleli, lingayenzi yonke le imilayo ,

14 Kodwa uba lingangilaleli, lingayenzi yonke le imilayo ^a, 15 njalo uba lidelela izimiso zami, njalo uba umphefumulo wenu unengwa yizahlulelo zami, ukuze lingenzi yonke imilayo yami, ukwephula isivumelwano sami ^b, 16 lami ngizakwenza lokhu kini: Ngizamisa phezu kwenu ukwesaba okukhulu ^c, isifo esicakisayo, lomkhuhlane ^d, okuqeda amehlo, okwenza impilo iphele ^e. Njalo inhlanyelo yenu lizayihlanyelela ize, ngoba izitha zenu zizayidla ^f. 17 Njalo ngizamisa ubuso bami bumelane lani ^g, njalo litshaywe phambi kwezitha zenu ^h. Labalizondayo bazalibusa ⁱ, libaleke kungelamuntu olixotshayo ^j. 18 Kodwa uba ngalezizinto lingangilaleli, ngizakwengeza ngilijezise kasikhombisa ngenxa yezono zenu ^k, 19 ngephule ukuziphakamisa kwamandla enu ^l, ngenze isibhakabhaka senu sibe njengensimbi, lomhlabathi wenu njengethusi ^m; 20 lamandla enu azachithelwa ize ⁿ, ngoba ilizwe lenu kaliyikuveza isivuno salo, lezihlahla zelizwe kaziyikuthela isithelo sazo ^o.

21 Uba-ke lihamba ngokuphambene lami, lingafuni ukungilalela, ngizakwengezelela kini inhlupheko kasikhombisa ngokwezono zenu. 22 Ngizathumela phakathi kwenu izilo zeganga ezizalemuka abantwana benu, zichithe izifuyo zenu, zilenze libe balutshwana ^p, lezindlela zenu zibe yinkangala ^q. 23 Njalo uba lingavumi ukuxwayiswa yimi ngalezizinto, kodwa lihamba ngokuphambene lami ^r, 24 lami ngizahamba ngokuphambene lani, lami ngilitshaye kasikhombisa ngenxa yezono zenu ^s. 25 Ngizakwehlisela inkemba phezu kwenu ezaphindisela impindiselo yesivumelwano. Uba libuthana emizini yenu ^t, ngizathumela umatshayabhuqe wesifo phakathi kwenu, njalo linikelwe esandleni sesitha ^u. 26 Lapho ngilephulela udondolo lwesinkwa, abesifazana abalitshumi bazabhaka isinkwa senu eziko elilodwa, babuyise isinkwa senu ngesisindo ^v; njalo lizakudla, kodwa lingasuthi ^w.

27 Kodwa uba lingangilaleli kulokhu, lihambe ngokuphambene lami ^x, 28 lami ngizahamba ngokuphambene lani ngilentukuthelo ^y, lami ngilijezise kasikhombisa ngenxa yezono zenu. 29 Njalo lizakudla inyama yamadodana enu lenyama yamadodakazi enu lizayidla ^z. 30 Njalo ngizachitha indawo zenu eziphakemeyo ^aa, ngidilize amalathi enu elanga ^ab, ngiphosele izidumbu zenu phezu kwezidumbu zezithombe zenu ^ac, lomphefumulo wami unengwe yini ^ad. 31 Ngizakwenza-ke imizi yenu ibe lunxiwa ^ae, ngidilize izindlu zenu ezingcwele; kangiyikunuka uqhatshi lwenu olumnandi ^af. 32 Mina-ke ngizachitha ilizwe ^ag ukuze izitha zenu ezihlala kulo zikhakhamale ngalo ^ah. 33 Njalo ngizalihlakazela ezizweni, ngihwatshe inkemba emva kwenu; lelizwe lakini lizakuba yincithakalo, lemizi yenu ibe lunxiwa ^ai. 34 Khona ilizwe lizathokoza ngamasabatha alo zonke izinsuku zencithakalo, liselizweni lezitha zenu; khona ilizwe lizaphumula, lithokoze ngamasabatha alo ^aj. 35 Zonke insuku zencithakalo lizaphumula, ngoba kaliphumulanga ngamasabatha enu lisahlala kilo ^ak. 36 Mayelana lalabo abaseleyo phakathi kwenu, ngizathuma ubuthakathaka enhliziyweni zabo emazweni ezitha zabo ^al; lomsindo wehlamvu eliphephukayo uzabaxotsha, bazabaleka njengomuntu obalekela inkemba, bawe kungelamuntu obaxotshayo ^am. 37 Bazakhubeka omunye phezu komunye kungathi kuphambi kwenkemba, kungelamuntu obaxotshayo ^an. Kaliyikuba lakho ukuma phambi kwezitha zenu ^ao. 38 Njalo lizabhubha phakathi kwezizwe, lelizwe lezitha zenu lizakulidla. 39 Labaseleyo phakathi kwenu bazacikizeka ebubini babo emazweni ezitha zabo, yebo lebubini baboyise bazacikizeka kanye labo ^ap. 40 Uba bezavuma ububi babo lobubi baboyise ^aq, lesiphambeko sabo abaphambeka ngaso kimi, yebo futhi ukuthi bahambe ngokuphambene lami ^ar, 41 lami ngihambe ngokuphambene labo, ngibase elizweni lezitha zabo. Uba ngalesosikhathi inhliziyo yabo engasokanga ^as izathotshiswa ^at, langalesosikhathi bemukele ngokuthokoza ukutshaywa ngenxa yobubi babo ^au, 42 khona ngizakhumbula isivumelwano sami loJakobe, yebo lesivumelwano sami loIsaka, yebo lesivumelwano sami loAbrahama ngisikhumbule, lelizwe ngilikhumbule ^av. 43 Lelizwe lizatshiywa yibo, lithokoze ngamasabatha alo lisachithekile lingelabo ^aw. Bona bazakwemukela ngokuthokoza ukutshaywa ngenxa yobubi babo ^ax, ngoba, yebo ngoba badelela izahlulelo zami, lomphefumulo wabo wanengwa yizimiso zami ^ay.

Psalms 37:22

22 Ngoba ababusiswe yiyo ^az bazakudla ilifa lelizwe ^ba, kodwa abaqalekiswe yiyo bazaqunywa ^bb.

Zechariah 5:4

4 Ngizasikhupha, itsho iNkosi yamabandla, ukuthi singene endlini yesela lasendlini yalowo ofunga ^{bc
,} ^bd amanga ngebizo lami ^be; sihlale phakathi kwendlu yakhe ^bf, siyiqede kanye lezigodo zayo lamatshe ayo ^bg.

Malachi 2:2

2 Uba ^bh lingalaleli, njalo uba lingakubeki ^bi enhliziyweni ukunika ibizo lami udumo, itsho iNkosi yamabandla ^bj, ngizathumela isiqalekiso ^{bk
,} ^bl phakathi kwenu, ngiqalekise izibusiso ^bm zenu. Yebo, sengiziqalekisile, ngoba kalikubeki ^bn enhliziyweni.