‏ Luke 2

Ukuzalwa kukaJesu Kristu

1Kwasekusithi ngalezonsuku, isimiso saphuma kuKesari uAgastasi ^a, sokuthi kubhalwe umhlaba wonke ^b. 2Lokhukubhalwa kwakungokokuqala ^c ukwenziwa lapho uKwiriniya engumbusi ^d weSiriya ^e. 3Bonke basebesiya ukuze bayebhalwa, ngulowo lalowo emzini wakibo. 4LoJosefa laye wenyuka ^f esuka eGalili, emzini iNazaretha, waya eJudiya ^g, emzini kaDavida, othiwa yiBhethelehema ^h, ngoba wayengowendlu lowosendo lukaDavida ⁱ, 5ukuyabhalwa kanye loMariya umkakhe ayemganile, owayezithwele ^j. 6Kwasekusithi belapho, zaseziphelela insuku zokubeletha kwakhe ^k. 7Wasebeletha indodana yakhe eyingqabutho ^l, wayigoqela ngamalembu ^m, wayilalisa emkolweni ⁿ, ngoba kwakungelandawo yabo endlini yezihambi ^o.

8Njalo kwakukhona kulelolizwe abelusi ababehlala egangeni futhi belinde umhlambi wabo ebusuku. 9Njalo khangela, ingilosi yeNkosi yema eduze kwabo ^p, lenkazimulo yeNkosi yakhanya ibazingelezele ^q; njalo besaba ngokwesaba okukhulu ^r. 10Ingilosi yasisithi kubo: Lingesabi; ngoba khangelani, ngitshumayela indaba ezinhle kini ezentokozo enkulu, ezakuba kubantu bonke; 11ngoba lizalelwe lamuhla ^s uMsindisi ^t, onguKristu ^u iNkosi ^v, emzini kaDavida ^w. 12Njalo lokhu kuzakuba yisibonakaliso kini ^x: Lizathola usane lugoqelwe ngamalembu ^y, lulele emkolweni ^z. 13Njalo kwahle kwaba khona kanye lengilosi ixuku ^aa lebutho lasezulwini ^ab, lidumisa uNkulunkulu ^ac, lisithi: 14Udumo kalube kuNkulunkulu ^ad kweliphezulu ^ae, lokuthula emhlabeni ^af; isifiso esihle ebantwini ^ag.

15Kwasekusithi, ingilosi sezisukile kubo zisiya ezulwini, abantu, abangabelusi, bakhulumisana besithi: Ake siye eBhethelehema ^ah, sibone leyonto eyenzakeleyo, iNkosi esazise yona. 16Basebesiza ngokuphangisa, bathola oMariya loJosefa, losane lulele emkolweni ^ai. 17Sebebonile basebesazisa indawo ezizingelezeleyo ngelizwi ababelitshelwe mayelana lalo umntwana omncane. 18Labo bonke abakuzwayo bamangala ngezinto ezazikhulunywe ngabelusi kubo. 19Kodwa uMariya ^aj walondoloza wonke la amazwi, enakana ngawo enhliziyweni yakhe ^ak. 20Basebebuyela abelusi, bemdumisa ^al bembonga uNkulunkulu ngazo zonke izinto ababezizwile lababezibonile, njengalokho okwakukhulunywe kubo ^am.

21Kwathi seziphelile insuku eziyisificaminwembili zokuthi umntwana omncane asokwe ^an, ibizo lakhe laselithiwa nguJesu, elalibizwe yingilosi engakomulwa esiswini ^ao.

USimeyoni loAna

22Kwathi seziphelele insuku zokuhlanjululwa kwakhe ngokomlayo kaMozisi ^ap, bamletha eJerusalema, ukuze bammise phambi kweNkosi ^aq 23(njengokulotshiweyo emlayweni weNkosi ukuthi konke okwesilisa okuvula isibeletho kuzathiwa kungcwele eNkosini) ^ar 24lokuthi banikele umhlatshelo njengokutshiwo emlayweni weNkosi, amajuba amabili kumbe amaphuphu amabili enkwilimba ^as.

25Njalo khangela, kwakukhona eJerusalema umuntu, obizo lakhe linguSimeyoni, njalo lumuntu wayelungile ekhuthele ekukhonzeni ^at, elindele ^au induduzo kaIsrayeli ^av, loMoya oNgcwele wayephezu kwakhe. 26Futhi kwakubonakalisiwe kuye nguMoya oyiNgcwele ^aw, ukuthi kayikubona ukufa engakamboni uKristu weNkosi ^ax. 27Wasengena ethempelini ngoMoya ^ay; kwathi abazali bemletha umntwana omncane uJesu, ukuze benze ngaye ngokomkhuba womlayo ^az, 28yena wasemthatha wamphatha engalweni zakhe, wabonga uNkulunkulu ^ba, wathi: 29Nkosi ^bb, khathesi iyekele inceku yakho ihambe ngokuthula ^bc, njengokwelizwi lakho ^bd; 30ngoba amehlo ami alubonile usindiso lwakho ^be 31olulungisileyo phambi kobuso babantu bonke ^bf; 32ukukhanya kokwembulela abezizwe ^bg, lenkazimulo yesizwe sakho uIsrayeli ^bh. 33UJosefa lonina basebemangala ngezinto ezatshiwo ngaye. 34USimeyoni wasebabusisa, wathi kuMariya unina: Khangela, lo umiselwe ^bi ukuwa lokuvuka kwabanengi kuIsrayeli ^bj, lokuba yisibonakaliso esizaphikiswa ^bk; 35futhi lawe, inkemba izadabula owakho umphefumulo ^bl; ukuze imicabango yenhliziyo ezinengi yembulwe ^bm.

36Njalo kwakukhona uAna umprofethikazi, indodakazi kaFanuweli, owesizwe sikaAsheri ^bn; wayesekhulile kakhulu ^bo, ebehlale lendoda iminyaka eyisikhombisa kusukela ebuntombini bakhe, 37njalo wayengumfelokazi owayengaba leminyaka engamatshumi ayisificaminwembili lane, engasuki ethempelini, ekhonza ^bp ngokuzila ukudla ^bq langemikhuleko ^br ebusuku lemini ^bs. 38Laye efika ngalelohola wadumisa uNkulunkulu, wakhuluma ngaye kubo bonke ababelindele ^bt inkululeko eJerusalema ^bu.

39Kwathi sebeqedile konke okungokomlayo weNkosi, babuyela eGalili ^bv, emzini wakibo iNazaretha ^bw. 40Lomntwana omncane wakhula, waqina emoyeni, wagcwala inhlakanipho; lomusa kaNkulunkulu wawuphezu kwakhe ^bx.

Umntwana uJesu ethempelini

41Njalo abazali bakhe babesiya eJerusalema iminyaka yonke ^by ngomkhosi wephasika ^bz. 42Kwathi eseleminyaka elitshumi lambili, sebenyukele eJerusalema njengomkhuba womkhosi ^ca, 43njalo sebeziqedile insuku ^cb, ekubuyeleni kwabo, umntwana uJesu wasala eJerusalema; njalo uJosefa lonina bengazi; 44kodwa becabanga ukuthi wayesexukwini endleleni, bahamba uhambo losuku, bamdinga phakathi kwezinini ^cc labazana labo ^cd; 45kodwa bengamtholi, babuyela eJerusalema, bemdinga. 46Kwasekusithi emva kwensuku ezintathu, bamthola ethempelini, ehlezi phakathi ^ce kwabafundisi, njalo ebalalela, futhi ebabuza ^cf. 47Njalo bonke ababemuzwa ^cg bamangala kakhulu ^ch ngolwazi lempendulo zakhe ^ci. 48Kwathi bembona bamangala ^cj; lonina wathi kuye: Mntanami, wenzeleni okunje kithi? Khangela, uyihlo lami besikudinga sidubekile ^ck. 49Wasesithi kubo: Kungani lingidinga? Belingakwazi yini ukuthi kumele ukuthi ngibe sezintweni zikaBaba ^cl? 50Kodwa bona kabaliqedisisanga ilizwi alikhuluma kubo ^cm. 51Wasesehla labo, weza eNazaretha ^cn; wazehlisela ngaphansi kwabo. Unina wasegcina zonke lezizinto enhliziyweni yakhe ^co. 52UJesu waseqhubeka enhlakanipheni ^cp lekukhuleni ^cq, lekuthandekeni kuNkulunkulu lebantwini ^cr.