Mar 7 | Ndebele | STEP | Kwasekubuthana kuye abaFarisi, labanye bababhali, ababevela eJerusalema ;

‏ Mark 7

AbaFarisi lababhali basolwa ngenxa yezimiso zabo

1 Kwasekubuthana kuye abaFarisi, labanye bababhali, ababevela eJerusalema ^a; 2 sebebonile ukuthi abanye babafundi bakhe badla izinkwa ngezandla ezingcolileyo, okuyikuthi ezingagezwanga, basola. 3 Ngoba abaFarisi lamaJuda bonke kabadli, ngaphandle kokuthi bagezisise izandla zabo, belondoloza isiko labadala ^b. 4 Nxa bevela emdangeni, kabadli, ngaphandle kokuthi bageze ^c; futhi zikhona ezinye izinto ezinengi abazemukelayo ukuzilondoloza, ukugezisa ^d inkezo lembiza lezitsha zethusi lemibheda ^e. 5 Emva kwalokhu abaFarisi lababhali bambuza bathi: Kungani abafundi bakho bengahambi ngesiko labadala, kodwa badla isinkwa ngezandla ezingahlanjwanga ^f?

6 Kodwa waphendula wathi kubo: UIsaya waprofetha kuhle ngani lina bazenzisi, njengokulotshiweyo ukuthi: Lesisizwe singidumisa ngezindebe, kodwa inhliziyo yabo ikhatshana lami ^g. 7 Kodwa zingikhonza ngeze, zifundisa izimfundiso eziyimilayo yabantu. 8 Ngoba liyekela umlayo kaNkulunkulu, ligcine isiko labantu, ukugezisa imbiza lenkezo ^h; lezinye izinto ezinengi ezinjalo liyazenza ⁱ. 9 Wasesithi kubo: Liyachitha kuhle umlayo kaNkulunkulu, ukuze lilondoloze isiko lenu ^j. 10 Ngoba uMozisi wathi: Hlonipha uyihlo lonyoko ^k; lokuthi: Othuka uyise kumbe unina kumele afe ukufa ^l; 11 kodwa lina lithi: Aluba umuntu esithi kuyise kumbe kunina: Lokho obungasizwa yimi ngakho, "liKhobane", okuyikuthi umnikelo kuNkulunkulu; 12 kalisamvumeli ukwenzela uyise kumbe unina ulutho ^m, 13 lilenza ize ilizwi likaNkulunkulu ngesiko lenu eliliqhubayo; lezinto ezinengi ezinjalo liyazenza ⁿ.

14 Esebizile kuye ixuku lonke, wathi kilo: Ngilalelani lonke, liqedisise. 15 Kalukho ulutho olungaphandle komuntu olungamngcolisa lungena kuye; kodwa izinto eziphuma kuye, yizo lezo ezingcolisa umuntu. 16 Uba ekhona olendlebe zokuzwa akezwe ^o.

17 Esengenile endlini evela exukwini ^p, abafundi bakhe bambuza ngomfanekiso ^q. 18 Wasesithi kubo: Ngokunjalo lani lingabangelakuqedisisa yini? Kaliqedisisi yini ukuthi konke okungaphandle okungena emuntwini kungemngcolise? 19 Ngoba kakungeni enhliziyweni yakhe, kodwa esiswini, kuphumele ngaphandle, kuhlambulula ukudla konke. 20 Wasesithi: Okuphumayo emuntwini, yikho okungcolisa umuntu. 21 Ngoba kuphuma ngaphakathi enhliziyweni yabantu imicabango emibi, ukuphinga, ukufeba, ukubulala, 22 ukweba, ubuhwaba ^{r
,} ^{▼▼ ubuhwaba: Gr. ubuhwaba, inkohlakalo}, ukuxhwala ^t, inkohliso, amanyala ^u, ilihlo elibi ^v, inhlamba, ukuzigqaja ^w, ubuthutha ^x; 23 zonke lezizinto ezimbi zivela ngaphakathi, zimngcolise umuntu.

Owesifazana weSirofenike

24 Wasesukuma lapho waya emikhawulweni yeTire leSidoni ^y. Wangena endlini, engathandi ukuthi kwaziwe muntu, kodwa wayengelakufihlakala. 25 Ngoba owesifazana, olentombazana yakhe elomoya ongcolileyo, esezwile ngaye, weza wawa phansi enyaweni zakhe; 26 njalo owesifazana wayengumGriki, engumSirofenike ngokuzalwa ^z; wasemncenga ukuthi akhuphe idimoni endodakazini yakhe. 27 Kodwa uJesu wathi kuye: Ake kusuthe abantwana kuqala; ngoba kakukuhle ukuthatha isinkwa sabantwana sisiphosele izinjana. 28 Kodwa waphendula wathi kuye: Yebo, Nkosi; kodwa lezinjana ezingaphansi kwetafula ziyadla imvuthuluka yabantwana. 29 Wasesithi kuye: Ngenxa yalokhukutsho hamba-ke; idimoni liphumile endodakazini yakho. 30 Wasesuka waya endlini yakhe, wafica idimoni seliphumile, lendodakazi ilele embhedeni ^aa.

Isacuthe esigagasayo siyasiliswa

31 Wasebuya wasuka ^ab emikhawulweni yeTire leSidoni ^ac, weza elwandle lweGalili ^ad, phakathi kwemikhawulo yeDikapolisi ^ae. 32 Basebeletha kuye isacuthe esigagasayo ^af, bamncenga ukuthi abeke isandla sakhe phezu kwaso ^ag. 33 Wasesikhupha exukwini sabasodwa, wafaka iminwe yakhe endlebeni zaso ^ah, wakhafula ^ai wathinta ulimi lwaso ^aj, 34 ekhangela phezulu ezulwini ^ak, wabubula ^al, wathi kuso: "Efatha"; okuyikuthi: Vulwa ^am! 35 Njalo zahle zavulwa indlebe zaso; yasithukululwa intambo yolimi lwaso, sasesikhuluma saqonda ^an. 36 Wasebalaya ukuthi bangatsheli muntu ^ao; kodwa lanxa ^ap wayebalayile kakhulu, kwang'khona bekumemezela ngamandla ^aq. 37 Basebemangala kakhulukazi sibili, bathi: Uzenzile kuhle izinto zonke; wenza kokubili izacuthe ukuthi zizwe, lezimungulu ukuthi zikhulume ^ar.