Matthew 26:69-75
UPetro ulandula uJesu
69UPetro wayesehlezi ngaphandle a egumeni b; kwasekusiza kuye incekukazi ethile, yathi: Lawe ubuloJesu weGalili c. 70Kodwa waphika phambi kwabo bonke, wathi: Kangikwazi lokho okutshoyo. 71Kwathi esephuma esiya esangweni d, enye incekukazi yambona, yathi kwababekhona e: Laye lo ubeloJesu weNazaretha f. 72Waphika njalo ngesifungo esithi: Kangimazi lumuntu. 73Kwathi emva kwesikhatshana g labo ababemi khona basondela bathi kuPetro: Ngeqiniso lawe ungowabo h; ngoba lokukhuluma kwakho i kuyakuveza j. 74Waseqala ukuqalekisa lokufunga esithi: Kangimazi lumuntu. Njalo lahle lakhala iqhude. 75UPetro wasekhumbula ilizwi likaJesu esithi kuye k: Lingakakhali iqhude, uzangiphika kathathu. Wasephumela ngaphandle wakhala kabuhlungu l.Mark 14:66-72
UPetro ulandula uJesu
66UPetro esegumeni ngaphansi m, kwafika enye yezincekukazi zompristi omkhulu n; 67isibona uPetro esotha, yamkhangela yathi: Lawe ubulomNazaretha, uJesu o. 68Kodwa waphika, wathi: Kangikwazi, futhi kangikuqedisisi okutshoyo. Wasephuma phandle, waya entubeni; laselikhala iqhude p. 69Njalo incekukazi encane yabuya yambona, yaqala ukutsho kwababemi khona ukuthi: Lo ungomunye wabo q. 70Kodwa wabuya waphika. Kwathi emva kwesikhatshana futhi labo ababemi khona bathi kuPetro: Ngeqiniso ungomunye wabo; ngoba lawe ungumGalili r, lolimi lwakho luyavumelana s. 71Waseqala ukuqalekisa lokufunga esithi: Kangimazi lumuntu elimtshoyo. 72Iqhude laselikhala ngokwesibili. UPetro wasekhumbula ilizwi uJesu ayelitshilo kuye lokuthi: Lingakakhali kabili iqhude, uzangiphika kathathu t. Esenakane ngalokhu wakhala.John 18:16-18
16kodwa uPetro wayemi ngaphandle emnyango u. Wasephuma lowomfundi omunye owayesaziwa ngumpristi omkhulu, wasekhuluma lomlindisangokazi, wamngenisa uPetro v. 17Incekukazi encane engumlindisango yasisithi kuPetro: Kawusuye lawe omunye wabafundi balumuntu yini? Yena wathi: Kangisuye w. 18Njalo izinceku labancedisi x babemi bebase umlilo wamalahle, ngoba kwakumakhaza y, njalo besotha; uPetro laye wayemi labo esotha.John 18:25
25Kodwa uSimoni Petro wayemi esotha z; basebesithi kuye: Kawusuye lawe omunye wabafundi bakhe yini? Waphika yena, wathi: Kangisuye aa.
Copyright information for
Ndebele