Mat 27 | Ndebele | STEP | Kwathi sekusile, bonke abapristi abakhulu labadala babantu bacebisana bemelene loJesu ukuthi bambulale ;

1 Kwathi sekusile, bonke abapristi abakhulu labadala babantu ^a bacebisana bemelene loJesu ukuthi bambulale ^b; 2 sebembophile bamqhuba ^c bamnikela ^d kuPontiyusi Pilatu ^e umbusi ^f.

Ukuzibulala kukaJudasi

3 Kwathi uJudasi owamnikelayo esebonile ukuthi ulahliwe ^g, wazisola ^h wabuyisela inhlamvu zesiliva ezingamatshumi amathathu kubapristi abakhulu labadala ⁱ, 4 wathi: Ngonile nginikele igazi elingelacala ^j. Kodwa bona bathi: Kulani lathi? Zibonele wena. 5 Wasephosela inhlamvu zesiliva ethempelini, wasuka; wayaziphanyeka ^k. 6 Abapristi abakhulu basebethatha inhlamvu zesiliva bathi: Kakuvunyelwa ukuzifaka emnikelweni, ngoba ziyintengo yegazi ^l. 7 Basebecebisana bathenga ngazo isiqinti sombumbi ^m, sibe ngesokungcwaba abezizwe. 8 Ngakho lesosiqinti sathiwa yisiqinti segazi ⁿ, kuze kube lamuhla ^o. 9 Kwasekugcwaliseka okwakhulunywa ngumprofethi uJeremiya ^p, esithi: Basebethatha inhlamvu zesiliva ezingamatshumi amathathu, intengo yalowo owalinganiswayo, abantwana bakoIsrayeli abamlinganisayo; 10 basebebapha zona ngensimu yombumbi ^q, njengoba iNkosi ingilayile ^r.

UJesu uphambi kukaPilatu

11 UJesu wasesima phambi kombusi; umbusi wasembuza, wathi: Wena uyiNkosi yamaJuda yini ^s? UJesu wasesithi: Utshilo wena ^t. 12 Kwathi nxa esemangalelwe ngabapristi abakhulu labadala, kaphendulanga lutho ^u. 13 UPilatu wasesithi kuye: Kawuzwa yini izinto ezingaka abazifakaza ngawe ^v? 14 Kodwa kamphendulanga lakwelilodwa ilizwi ^w, waze wamangala kakhulu umbusi.

15 Futhi ngomkhosi umbusi wayejwayele ukukhululela ixuku ^x isibotshwa esisodwa, elisifunayo ^y. 16 Njalo ngalesosikhathi babelesibotshwa esidumileyo, esithiwa nguBarabasi ^z. 17 Ngakho sebebuthene, uPilatu wathi kubo: Lithanda ukuthi ngilikhululele bani, uBarabasi, kumbe uJesu othiwa nguKristu? 18 Ngoba wayekwazi ukuthi bamnikele ngomona.

19 Kwathi esehlezi esihlalweni sokwahlulela ^aa, umkakhe wathumela kuye, wathi: Ungabi landaba lalowo olungileyo ^ab; ngoba lamuhla ngihluphekile kakhulu ngaye ephutsheni ^ac.

20 Kodwa abapristi abakhulu labadala bancengana lamaxuku ukuthi acele uBarabasi, ambhubhise uJesu ^ad. 21 Wasephendula umbusi wathi kubo: Lithanda ukuthi ngilikhululele bani kulaba ababili? Basebesithi: UBarabasi. 22 UPilatu wathi kubo: Pho ngimenzeni uJesu othiwa nguKristu? Bonke bathi kuye: Kabethelwe. 23 Umbusi wasesithi: Ngoba wenze bubi bani? Kodwa bamemeza kakhulu, bathi: Kabethelwe!

24 Kwathi uPilatu esebonile ukuthi kakusizi lutho, kodwa ukuthi kwasekuqala kulalokhu ukuba lesiphithiphithi ^ae, wathatha amanzi, wageza izandla phambi kwexuku ^af, wathi: Angilacala ngegazi lalumuntu olungileyo; ziboneleni lina ^ag. 25 Bonke abantu basebephendula bathi: Igazi lakhe kalibe phezu kwethu laphezu kwabantwana bethu ^ah. 26 Wasebakhululela uBarabasi; kodwa esemtshaye ngesiswepu uJesu wamnikela ukuthi abethelwe ^ai.

Abebutho bamenza uJesu inhlekisa

27 Abebutho bombusi basebemngenisa uJesu endlini yombusi ^aj, baqoqela kuye ibutho lonke ^ak; 28 bamhlubula, bamgqokisa isembatho esibomvu ^al, 29 sebelukile umqhele wameva, bamethesa wona ekhanda, bamphathisa lomhlanga esandleni sakhe sokunene; baguqa phambi kwakhe ^am bamklolodela, bathi: Bayethe, Nkosi yamaJuda ^an! 30 Bamkhafulela amathe ^ao, bathatha umhlanga, batshaya ikhanda lakhe. 31 Sebemklolodele ^ap, bamhlubula isembatho, bamgqokisa izigqoko zakhe, bamqhuba ukuze bambethele ^aq. 32 Kwathi sebephuma ^ar, bafica umuntu weKurene ^as, uSimoni ngebizo ^at; bambamba ngamandla lowo ukuthi athwale isiphambano sakhe ^au.

UJesu esiphambanweni

33 Sebefikile endaweni ethiwa yiGolgotha ^av, okuyikuthi iNdawo yokhakhayi ^aw, 34 bamnika iviniga ^ax elixutshaniswe lenyongo ukuze alinathe; kodwa eselizwile kavumanga ukunatha ^ay. 35 Futhi sebembethele, baba izembatho zakhe, benza inkatho yokuphosa ^az; ukuze kugcwaliseke okwakhulunywa ngumprofethi ukuthi: Babelana izembatho zami, benza inkatho yokuphosa ngesigqoko sami ^ba. 36 Njalo sebehlala phansi bamlinda khona ^bb. 37 Babeka ngaphezu kwekhanda lakhe incwadi yecala lakhe ilotshiwe ukuthi ^bc: LO NGUJESU INKOSI YAMAJUDA ^bd.

38 Kwasekubethelwa abaphangi ababili ^be kanye laye, omunye ngakwesokunene lomunye ngakwesokhohlo ^bf. 39 Labadlulayo ^bg bamhlambaza ^bh, benikina amakhanda abo ^bi, 40 besithi: Wena odiliza ithempeli ulakhe ngensuku ezintathu, zisindise ^bj; uba uyiNdodana kaNkulunkulu, yehla esiphambanweni ^bk. 41 Langokunjalo labapristi abakhulu labo bekloloda kanye lababhali labadala bathi ^bl: 42 Wasindisa abanye, yena angezisindise. Uba eyiNkosi yakoIsrayeli, kehle khathesi esiphambanweni, futhi sizamkholwa ^bm. 43 Wathemba kuNkulunkulu; kamkhulule khathesi, uba emthanda ^bn. Ngoba wathi: NgiyiNdodana kaNkulunkulu ^bo.

44 Labaphangi ^bp ababebethelwe kanye laye ^bq bamyangisa ngokufananayo ^br.

Ukufa kukaJesu

45 Njalo kusukela ngehola lesithupha kwaba lobumnyama emhlabeni wonke kwaze kwaba lihola lesificamunwemunye* ^bs; 46 sekungaba lihola lesificamunwemunye ^bt uJesu wamemeza ngelizwi elikhulu, wathi: "Eli, Eli, lama sabaktani ^bu?" Okuyikuthi: Nkulunkulu wami, Nkulunkulu wami, ungitshiyeleni ^bv? 47 Njalo abanye kwababemi khona besizwa bathi: Lo ubiza uElija. 48 Njalo omunye wabo wahle wagijima, wathatha uzipho, walugcwalisa ngeviniga ^bw, waluhloma emhlangeni, wamnika ukuthi anathe ^bx. 49 Kodwa abanye bathi: Yekelani sibone ukuthi uElija uzakuza amsindise ^by. 50 UJesu wasebuya ememeza ngelizwi elikhulu ^bz wanikela umoya ^ca.

51 Futhi khangela, iveyili lethempeli ladatshulwa incezu ezimbili laqala phezulu lisiya phansi ^cb; lomhlaba wazamazama; lamadwala aqhekezeka ^cc; 52 lamangcwaba avuleka; lezidumbu ezinengi zabangcwele abasebelele zavuswa ^cd; 53 sebephumile emangcwabeni emva kokuvuka kwakhe bangena emzini ongcwele, babonakala kwabanengi ^ce.

54 Kwathi induna yekhulu lalabo ababelayo belinde uJesu ^cf, sebebonile ukuzamazama komhlaba ^cg lezinto ezenzekileyo, besaba kakhulu ^ch, bathi: Ngeqiniso lo ubeyiNdodana kaNkulunkulu ^ci.

55 Kwakukhona lapho abesifazana abanengi bebukele ^cj bekhatshana ^ck, ababemlandele uJesu bevela eGalili ^cl, bemncedisa ^cm; 56 okwakukhona phakathi kwabo oMariya Magadalena ^cn, loMariya ^co unina kaJakobe loJose ^cp, lonina wamadodana kaZebediya ^cq.

Ukungcwatshwa kukaJesu

57 Kwathi sekuhlwile ^cr, kwafika umuntu onothileyo evela eArimathiya ^cs, ibizo lakhe linguJosefa, owayengumfundi kaJesu laye ^ct; 58 yena waya kuPilatu, wacela isidumbu sikaJesu. UPilatu waselaya ukuthi isidumbu asinikwe ^cu. 59 UJosefa wasethatha isidumbu wasigoqela ngelembu elicolekileyo elihlambulukileyo, 60 wasibeka engcwabeni lakhe elitsha ^cv, elaligujiwe edwaleni ^cw; wasegiqela ilitshe elikhulu emnyango wengcwaba, wahamba ^cx.

61 Futhi kwakukhona lapho uMariya Magadalena ^cy, lomunye uMariya, behlezi maqondana lengcwaba ^cz.

62 Langosuku olulandelayo, olulandela olwamalungiselelo ^da, abapristi abakhulu labaFarisi babuthana kuPilatu, 63 besithi: Nkosi, siyakhumbula ukuthi lowomkhohlisi esaphila wathi ^db: Emva kwensuku ezintathu ngizavuka ^dc. 64 Ngakho laya ukuthi ingcwaba liqiniswe kuze kube lusuku lwesithathu; hlezi abafundi bakhe bafike ebusuku bamebe, besebesithi ebantwini: Uvukile kwabafileyo; kuthi inkohliso yokucina ibembi kuleyokuqala. 65 UPilatu wasesithi kubo: Lilabalindi; hambani ^dd, liliqinise njengokubona kwenu. 66 Bahamba-ke baliqinisa ingcwaba ^de, beliphawula ilitshe ^df, belabalindi ^dg.