Matthew 8:18
Ukumlandela uJesu
18Kwathi uJesu ebona amaxuku amakhulu emhanqile, walaya ukuthi bachaphele ngaphetsheya a.Matthew 8:23-34
Ukuthuliswa kwesiphepho
23Kwathi esengenile emkhunjini, abafundi bakhe bamlandela b. 24Njalo khangela, kwavuka isiphepho esikhulu olwandle, okungangokuthi umkhumbi wagutshuzelwa ngamagagasi; kodwa yena wayelele. 25Basebesondela abafundi bakhe bamvusa, besithi: Nkosi, sisindise, siyabhubha! 26Wasesithi kubo: Lesabelani, lina abokholo oluncinyane c? Wasesukuma wakhuza imimoya lolwandle; kwasekusiba khona ukuthula okukhulu d. 27Kodwa abantu bamangala, besithi: Ngonjani lo, ukuthi lemimoya lolwandle kumlalele?Ukukhutshwa kwabomoya ababi
28Kwathi esefikile ngaphetsheya elizweni lamaGergesi e, bamhlangabeza ababili f ababengenwe ngamadimoni bephuma emangcwabeni, belolaka kakhulu, okungangokuthi kwakungekho odlula ngaleyondlela g; 29njalo khangela, bamemeza besithi: Silani lawe h, Jesu, Ndodana kaNkulunkulu i? Uze lapha yini ukusihlupha kungakafiki isikhathi? 30Kwakukhona khatshana labo umhlambi wengulube ezinengi usidla. 31Amadimoni asemncenga, esithi: Uba usikhupha, sivumela ukuthi sihambe singene emhlanjini wengulube. 32Wasesithi kuwo: Hambani. Esephumile angena emhlanjini wengulube; futhi khangela, umhlambi wonke wengulube waphaphatheka eliweni usiya olwandle, zafela emanzini. 33Abazelusayo basebebaleka, basebesiya emzini babika konke, lezindaba zababengenwe ngamadimoni j. 34Njalo khangela, umuzi wonke waphuma ukumhlangabeza uJesu; bathi bembona, bancenga ukuthi asuke emikhawulweni yakibo k.Mark 4:36
36Sebeyekele ixuku lahamba l, bamthatha bahamba laye njengoba enjalo emkhunjini m. Futhi leminye imikolo yayilaye.Mark 5:17
17Basebeqala ukumncenga ukuthi asuke elizweni lakibo.
Copyright information for
Ndebele