Num 25:11-13, Deu 13:6-11, Zec 13:3, Mat 10:37 | Ndebele | STEP | UPhinehasi, indodana kaEleyazare indodana kaAroni umpristi, uphendule ulaka lwami lusuka ebantwaneni bakoIsrayeli , ngoba wayelobukhwele ngobukhwele bami phakathi kwabo; ngakho kangibaqothulanga abantwana bakoIsrayeli ngobukhwele bami .

Numbers 25:11-13

11 UPhinehasi, indodana kaEleyazare indodana kaAroni umpristi, uphendule ulaka lwami lusuka ebantwaneni bakoIsrayeli ^a, ngoba wayelobukhwele ngobukhwele bami phakathi kwabo; ngakho kangibaqothulanga abantwana bakoIsrayeli ngobukhwele bami ^b. 12 Ngakho utsho: Khangela, ngiyamnika isivumelwano sami sokuthula ^c. 13 Njalo uzakuba laso, lenzalo yakhe emva kwakhe ^d, isivumelwano sobupristi obulaphakade ^e, ngenxa yokuthi elobukhwele ngoNkulunkulu wakhe, wabenzela abantwana bakoIsrayeli inhlawulo yokuthula.

Deuteronomy 13:6-11

6 Uba umfowenu, indodana kanyoko, loba indodana yakho, loba indodakazi yakho ^f, loba umfazi wesifuba sakho, kumbe umngane wakho ^g onjengomphefumulo wakho, ekuyenga ensitha esithi: Asihambe, siyekhonza abanye onkulunkulu, ongabazanga, wena laboyihlo ^h, 7 babonkulunkulu babantu abalizingelezeleyo, abaseduze lawe loba abakhatshana lawe, kusukela komunye umkhawulo womhlaba kuze kufike komunye umkhawulo womhlaba ⁱ, 8 ungamvumeli, ungamlaleli ^j, futhi ilihlo lakho lingamhawukeli, njalo ungamyekeli, ungamfihli ^k, 9 kodwa umbulale lokumbulala; isandla sakho sizakuba ngesokuqala phezu kwakhe ukumbulala, lemva kwalokho isandla sabantu bonke ^l. 10 Njalo mkhande ngamatshe aze afe ^m, ngoba ubedinga ukukufuqa uphambuke eNkosini uNkulunkulu wakho, eyakukhupha elizweni leGibhithe, endlini yobugqili ⁿ. 11 LoIsrayeli wonke uzakuzwa, esabe, angabe esenza ububi obunjengalobo phakathi kwakho ^o.

Zechariah 13:3

3 Kuzakuthi-ke, loba ngubani esaprofetha, uyise lonina abamzalayo ^p bathi kuye: Kawuyikuphila, ngoba ukhuluma amanga ebizweni leNkosi. Uyise lonina abamzalayo bazamgwaza lapho eprofetha ^q.

Matthew 10:37

37 Othanda uyise kumbe unina kulami kangifanele; lothanda indodana kumbe indodakazi kulami kangifanele ^r;