Num 28:3-8 | Ndebele | STEP | Uzakuthi kibo: Lo ngumnikelo owenziwe ngomlilo elizawunikela eN kosi ni ; amawundlu amabili alomnyaka owodwa, angelasici, insuku ngensuku, kube ngumnikelo wokutshiswa njalonjalo.

Numbers 28:3-8

3 Uzakuthi kibo: Lo ngumnikelo owenziwe ngomlilo elizawunikela eNkosini ^a; amawundlu amabili alomnyaka owodwa, angelasici, insuku ngensuku, kube ngumnikelo wokutshiswa njalonjalo. 4 Elinye iwundlu uzalilungisa ekuseni, lelinye iwundlu ulinikele kusihlwa, 5 lokwetshumi kwe-efa* lempuphu ecolekileyo ^b kube ngumnikelo wokudla ^c, kuxubene lengxenye yesine yehini* yamafutha agigiweyo ^d. 6 Kungumnikelo wokutshiswa wezikhathi zonke ^e owamiswa entabeni yeSinayi, ube luqhatshi olumnandi, umnikelo owenzelwe iNkosi ngomlilo. 7 Lomnikelo wawo wokunathwayo uzakuba yingxenye yesine yehini ngewundlu linye; uzathululela eNkosini umnikelo wokunathwayo ongowokunathwayo okulamandla endaweni engcwele ^f. 8 Lelinye iwundlu uzalilungisa kusihlwa; njengomnikelo wokudla wekuseni, lanjengomnikelo wawo wokunathwayo uzalinikela, umnikelo owenziwe ngomlilo, oloqhatshi olumnandi eNkosini.