Psa 115 | Ndebele | STEP | Kakungabi kithi, N kosi , kakungabi kithi , kodwa ebizweni lakho nika udumo, ngenxa yomusa wakho, ngenxa yeqiniso lakho .

‏ Psalms 115

Udumo kalube eNkosini yodwa

1 Kakungabi kithi, Nkosi, kakungabi kithi ^a, kodwa ebizweni lakho nika udumo, ngenxa yomusa wakho, ngenxa yeqiniso lakho ^b. 2 Kungani izizwe zizakuthi: Ungaphi pho uNkulunkulu wabo ^c? 3 Kodwa uNkulunkulu wethu usemazulwini ^d, wenza konke akuthandayo ^e.

4 Izithombe zabo yisiliva legolide ^f, umsebenzi wezandla zomuntu ^g. 5 Zilomlomo, kodwa kazikhulumi ^h; zilamehlo, kodwa kaziboni ⁱ; 6 zilendlebe, kodwa kazizwa; zilempumulo, kodwa kazinuki ^j; 7 zilezandla, kodwa kaziphathi; inyawo zilazo, kodwa kazihambi; kazikhulumi ngomphimbo wazo ^k. 8 Abazenzayo kabafanane lazo, wonke othembela kuzo ^l.

9 Israyeli ^m, themba eNkosini ⁿ. Ilusizo lwabo ^o lesihlangu sabo ^p. 10 Ndlu kaAroni ^q, themba eNkosini ^r. Ilusizo lwabo ^s lesihlangu sabo ^t. 11 Lina elesaba iNkosi ^{u
,} ^v, thembani eNkosini ^w. Ilusizo lwabo ^x lesihlangu sabo ^y.

12 INkosi isikhumbule, izabusisa, ibusise indlu kaIsrayeli ^z, ibusise indlu kaAroni ^aa; 13 izabusisa labo abayesabayo iNkosi, abancinyane kanye labakhulu ^{ab
,} ^ac. 14 INkosi izalandisa, lina labantwana benu ^ad. 15 Libusisiwe eNkosini ^ae, eyenza amazulu lomhlaba ^af. 16 Amazulu, amazulu ngaweNkosi, kodwa umhlaba iwunike abantwana babantu ^ag. 17 Abafileyo ^ah kabayidumisi iNkosi ^ai, hatshi-ke loba ngubani owehlela ekuthuleni ^aj. 18 Kodwa thina ^ak sizayibonga iNkosi ^al kusukela khathesi kuze kube nininini.

Dumisani iNkosi ^am!