Psalms 33
Ukudumisa iNkosi
1Thokozani eNkosini, balungileyo a. Ukudumisa kubafanele abaqotho b. 2Dumisani iNkosi ngechacho c, lihlabelele kuyo ngogubhu d olulentambo ezilitshumi e. 3Ihlabeleleni ingoma entsha f, litshaye kuhle ngenhlokomo g. 4Ngoba ilizwi leNkosi liqotho, lomsebenzi wayo wonke ngowobuqotho h. 5Ithanda ukulunga lesahlulelo i; umhlaba ugcwele umusa weNkosi j. 6Ngelizwi leNkosi amazulu enziwa k, lalo lonke ibutho lawo l ngomoya womlomo wayo m. 7Ibuthelela amanzi olwandle njengenqumbi n, ifake inziki eziphaleni o. 8Umhlaba wonke kawuyesabe iNkosi, bonke abakhileyo bomhlaba kabathuthumele ngayo. 9Ngoba yona yakhuluma, kwaba khona; yona yalaya, kwema p. 10INkosi ichitha icebo lezizwe, iphuthisa imicabango yabantu q. 11Icebo leNkosi limi kuze kube nininini, imicabango yenhliziyo yayo ezizukulwaneni ngezizukulwana r. 12Sibusisiwe isizwe esiNkulunkulu waso yiNkosi s, abantu ebakhethileyo baba yilifa layo t. 13INkosi iyakhangela phansi isemazulwini, ibone bonke abantwana babantu u. 14Isendaweni emisiweyo yokuhlala kwayo v ikhangela bonke abakhileyo bomhlaba w. 15Ibumba inhliziyo yabo bonke, inanzelele zonke izenzo zabo x , y. 16Kayikho inkosi esindiswa yibunengi bebutho, iqhawe kalikhululwa ngamandla amakhulu z. 17Ibhiza liyize ekunqobeni, njalo kalikhululi ngobukhulu bamandla alo aa. 18Khangela, ilihlo leNkosi liphezu kwabayesabayo ab, kwalabo abathembela emuseni wayo ac, 19ukukhulula umphefumulo wabo ekufeni ad, lokubaphilisa endlaleni ae. 20Umphefumulo wethu af ulindela iNkosi ag; ilusizo lwethu lesihlangu sethu ah. 21Ngoba inhliziyo yethu izathokoza kuyo ai, ngoba sithembele ebizweni layo elingcwele aj. 22Umusa wakho, Nkosi, kawube phezu kwethu, njengokulindela kwethu kuwe ak.
Copyright information for
Ndebele