‏ Psalms 37

Okuzakwehlela ababi labalungileyo

EsikaDavida

1Ungazikhathazi ngababi ^a, ungabi lomhawu ngabenzi bobubi ^b. 2Ngoba bazaqunywa masinyane ^c njengotshani, babune njengohlaza ^d. 3Themba eNkosini ^e, wenze okuhle, uhlale elizweni, uzondle ngothembeko ^f. 4Zithokozise eNkosini ^g, njalo izakunika iziloyiso zenhliziyo yakho ^h. 5Nikela indlela yakho eNkosini ⁱ, uthembe kuyo; yona izakwenza ^j. 6Izaveza ukulunga kwakho njengokukhanya ^k, lelungelo lakho njengemini enkulu ^l. 7Thula eNkosini, uyilindele ^m; ungazikhathazi ⁿ ngophumelelayo ngendlela yakhe ^o, ngomuntu owenza amacebo amabi. 8Yekela intukuthelo, utshiye ulaka ^p; ungazikhathazi langokwenza okubi ^q. 9Ngoba ababi bazaqunywa ^r, kodwa labo abalindele iNkosi bona bazakudla ilifa lelizwe ^s. 10Kuseyisikhatshana nje, omubi angabe esaba khona ^t; loba uhlola indawo yakhe uyabe engasekho ^u. 11Kodwa abamnene ^v bazakudla ilifa lelizwe ^w, bazithokozise ngobunengi bokuthula ^x. 12Omubi uyaceba emelene lolungileyo, amgedlele amazinyo akhe ^y. 13INkosi izamhleka ^z, ngoba iyabona ukuthi usuku lwakhe luyeza ^aa. 14Ababi sebehwatshe inkemba, bagobise idandili labo ^ab, ukumlahla phansi umyanga loswelayo, ukubulala abaqotho ngendlela ^ac. 15Inkemba yabo izangena kweyabo inhliziyo, kwephulwe amadandili abo ^ad. 16Okuncinyane alakho olungileyo ^ae kungcono kulenotho yababi abanengi ^af. 17Ngoba ingalo zababi zizakwephulwa ^ag, kodwa iNkosi iyabasekela abalungileyo ^ah. 18INkosi iyazazi izinsuku zabaqotho ^ai, lelifa labo lizakuba sephakadeni ^aj. 19Kabayikuyangeka ngesikhathi esibi, langensuku zendlala bazasutha ^ak. 20Kodwa ababi bazabhubha; lezitha zeNkosi zizanyamalala njengamafutha amawundlu, zinyamalale entuthwini ^al. 21Omubi uyeboleka, angabuyiseli ^am, kodwa olungileyo uyahawukela ^an, aphe ^ao. 22Ngoba ababusiswe yiyo ^ap bazakudla ilifa lelizwe ^aq, kodwa abaqalekiswe yiyo bazaqunywa ^ar. 23Izinyathelo zomuntu olungileyo ziqondiswa yiNkosi, iyathokoza endleleni yakhe ^as. 24Loba esiwa ^at, kayikulahlwa phansi ^au, ngoba iNkosi isekela isandla sakhe ^av. 25Ngangimutsha, sengimdala, kanti kangibonanga olungileyo etshiyiwe, lenzalo yakhe ^aw idinga ukudla ^ax. 26Usuku lonke ulomusa, uyeboleka, lenzalo yakhe iyisibusiso ^ay. 27Suka ebubini, wenze okuhle ^az; uhlale kuze kube nininini ^ba. 28Ngoba iNkosi ithanda isahlulelo ^bb, kayiyikubatshiya abangcwele bayo ^bc. Bazalondolozwa kuze kube nininini; kodwa inzalo yababi izaqunywa ^bd. 29Abalungileyo bazakudla ilifa lelizwe ^be, bahlale kulo kuze kube nininini. ^bf 30Umlomo wolungileyo ukhuluma inhlakanipho ^bg, lolimi lwakhe lukhuluma isahlulelo ^bh. 31Umlayo kaNkulunkulu wakhe usenhliziyweni yakhe ^bi; izinyathelo zakhe kazitsheleli ^bj. 32Omubi uyamqaphela olungileyo, udinga ukumbulala ^bk. 33INkosi kayiyikumyekela esandleni sakhe, kayiyikumlahla lapho esahlulelwa ^bl. 34Lindela eNkosini, ugcine indlela yayo ^bm, izakuphakamisa ukuthi udle ilifa lelizwe ^bn; uzabona lapho ababi bequnywa ^bo. 35Ngambona omubi ^bp elamandla amakhulu ^bq, eziqhelisa njengesihlahla semvelo esiluhlaza ^br. 36Kube kanti wedlula ^bs, khangela-ke, wayengasekho ^bt; yebo ngamdinga, kodwa katholakalanga. 37Nanzelela opheleleyo, umbone oqotho, ngoba ukuphela kwalowomuntu kuyikuthula ^bu. 38Kodwa abaphambukayo bazabhujiswa kanyekanye; ukuphela kwababi kuzaqunywa ^bv. 39Kodwa usindiso lwabalungileyo luvela eNkosini ^bw, inqaba yabo esikhathini sokuhlupheka ^bx. 40Njalo iNkosi izabasiza ibakhulule; izabakhulula kwababi ^by, ibasindise, ngoba baphephela kuyo ^bz.