Psalms 62
Thembani kuNkulunkulu
Kumqondisi wokuhlabelela. NgeJeduthuni. Isihlabelelo sikaDavida
1Ngoqotho, umphefumulo wami uyamlindela uNkulunkulu ngokuthula; luvela kuye usindiso lwami a. 2Nguye kuphela olidwala lami losindiso lwami b, inqaba yami; kangiyikunyikinywa kakhulu c. 3Koze kube nini liceba ububi limelene lomuntu? Lonke lizabulawa, njengomduli otshekileyo, uthango oludilikayo d. 4Baceba kuphela ukumwisa ekuphakameni kwakhe e, bathokoza ngamanga; ngomlomo wabo bayabusisa, kodwa ngaphakathi kwabo bayathuka. Sela* f. 5Mphefumulo wami, lindela ngokuthula kuNkulunkulu kuphela; ngoba ithemba lami livela kuye g. 6Nguye kuphela olidwala lami losindiso lwami h, inqaba yami; kangiyikunyikinywa i. 7LukuNkulunkulu usindiso lwami lodumo lwami j, idwala lamandla ami, isiphephelo sami, kukuNkulunkulu k. 8Thembani kuye isikhathi sonke, lina bantu l; lithulule inhliziyo yenu phambi kwakhe m; uNkulunkulu uyisiphephelo sethu. Sela* n. 9Ngoqotho o, abantukazana p bayize q , r, izikhulu s ziyinkohliso t; esilinganisweni balula u kuleze bebonke v , w. 10Lingathembeli embandezelweni, lingamisi ithemba eliyize ekuphangeni x; uba inotho isanda, lingabeki inhliziyo kuyo y. 11UNkulunkulu ukhulumile kwaba kanye z, ngikuzwile lokhu kabili aa, ukuthi amandla angakaNkulunkulu ab. 12Lomusa ungowakho ac, Nkosi; ngoba wena uyamphindisela wonke umuntu njengokomsebenzi wakhe ad.
Copyright information for
Ndebele