Psa 79 | Ndebele | STEP | Isihlabelelo sikaAsafi Nkulunkulu, abezizwe sebengenile elifeni lakho ; balingcolisile ithempeli lakho elingcwele ; iJerusalema bayenze yaba zinqumbi .

‏ Psalms 79

Ukucela kuNkulunkulu ukuthi asize abantu bakhe

Isihlabelelo sikaAsafi

1 Nkulunkulu, abezizwe ^a sebengenile elifeni lakho ^b; balingcolisile ithempeli lakho elingcwele ^c; iJerusalema bayenze yaba zinqumbi ^d. 2 Banikile izidumbu zezinceku zakho zaba yikudla kwenyoni zamazulu ^e, inyama yabangcwele bakho ^f kuzo izilo zomhlaba ^g. 3 Balichithile igazi labo njengamanzi ^h inhlangothi zonke zeJerusalema; njalo kakubanga khona ongcwabayo ⁱ. 4 Sesibe yinhlamba kubomakhelwane bethu ^{j
,} ^k, inhlekisa loklolodelo ^l kwabasiphahlileyo ^m.

5 Koze kube nini, Nkosi ^{n
,} ^o? Uzathukuthela phakade yini ^p? Ubukhwele bakho ^q buzavutha njengomlilo yini ^r? 6 Thulula ulaka lwakho phezu kwabezizwe ^{s
,} ^t abangakwaziyo ^u, laphezu kwemibuso engabizi ibizo lakho ^v. 7 Ngoba bamdlile uJakobe, lomuzi wakhe sebewenze unxiwa ^w. 8 Ungakhumbuli umelene lathi izono zethu zendulo ^x; isihawu sakho kasize masinyane phambi kwethu ^y, ngoba sehliselwe phansi kakhulu ^z. 9 Sisize, Nkulunkulu wosindiso lwethu, ngenxa yodumo lwebizo lakho ^aa; sikhulule, uhlawulele izono zethu ^ab, ngenxa yebizo lakho ^ac. 10 Kungani abezizwe bezakuthi: Ungaphi uNkulunkulu wabo? Kawaziwe phakathi kwezizwe phambi kwamehlo ethu ^ad, impindiselo yegazi lenceku zakho elachithwayo.

11 Ukububula kwezibotshwa kakuze phambi kwakho ^ae; njengobukhulu bengalo yakho ulondoloze abantwana bokufa ^af. 12 Uphindisele omakhelwane bethu ^ag kasikhombisa ^ah esifubeni sabo ^ai ukuthuka kwabo, abakuthuka ngakho, Nkosi ^aj. 13 Khona thina abantu bakho ^ak, izimvu zedlelo lakho, sizakubonga kuze kube nininini ^al, silandise udumo lwakho esizukulwaneni ngesizukulwana ^am.