a2 Sam 5:1-3, 5:6-10
b11:10, 12:23; 1 Sam 16:1,3,12,13
c2 Sam 5:7
d2 Sam 5:8
e2 Lan 20:21, 28:14
f11:1; 2 Sam 2:3,4, 5:1
g10:14
h11:3,10
i12:24; Nani 25:7; 2 Lan 25:5
j12:6
k6:8
l2 Sam 2:8,9, 3:19
m2 Sam 2:8,9, 3:19
nNani 1:17
oEsta 1:13
p12:36
q2 Sam 2:8,9, 3:19
r12:36
s2 Sam 2:8,9, 3:19
t1 Kho 8:61
u1 Sam 27:9
v1 Sam 30:12
w1 Sam 25:18

1 Chronicles 11:1-9

1UIsrayeli wonke wasebuthana kuDavida eHebroni esithi: Khangela, thina silithambo lakho lenyama yakho a. 2Ngitsho mandulo, ngitsho uSawuli eyinkosi, nguwe owakhupha lowangenisa uIsrayeli; iNkosi uNkulunkulu wakho yasisithi kuwe: Wena uzakwelusa abantu bami uIsrayeli, njalo wena uzakuba ngumbusi phezu kwabantu bami uIsrayeli. 3Kwasekufika bonke abadala bakoIsrayeli enkosini eHebroni. UDavida wasesenza isivumelwano labo eHebroni phambi kweNkosi. Basebemgcoba uDavida ukuba yinkosi phezu kukaIsrayeli, njengelizwi leNkosi ngesandla sikaSamuweli b.

UDavida uthatha inqaba yeZiyoni

4UDavida loIsrayeli wonke basebesiya eJerusalema, eyiJebusi, ngoba lapho kwakulamaJebusi, abahlali balelolizwe. 5Abahlali beJebusi basebesithi kuDavida: Kawuyikungena lapha. Kodwa uDavida wayithumba inqaba yeZiyoni, engumuzi kaDavida c. 6UDavida wasesithi: Loba ngubani ozatshaya amaJebusi kuqala uzakuba yinhloko lenduna d. Ngakho uJowabi indodana kaZeruya wenyuka kuqala, waba yinhloko. 7UDavida wasehlala enqabeni; ngalokho-ke bayibiza ngokuthi ngumuzi kaDavida. 8Wasewakha umuzi inhlangothi zonke, kusukela eMilo waze wawuhlanganisa. UJowabi wasevuselela okuseleyo komuzi. 9UDavida wasesiya eqhubeka esiba mkhulu, ngoba iNkosi yamabandla yayilaye.

1 Chronicles 12:23-40

Ibutho likaDavida eHebroni

23Lala ngamanani ezinhloko ezazihlomele impi e; zeza kuDavida eHebroni f ukuphendulela umbuso kaSawuli kuye g, ngokomlomo weNkosi h. 24Abantwana bakoJuda bethwele isihlangu esikhulu lomkhonto babeyizinkulungwane eziyisithupha lamakhulu ayisificaminwembili, behlomele impi i. 25Ebantwaneni bakoSimeyoni, amaqhawe alamandla empi, izinkulungwane eziyisikhombisa lekhulu. 26Ebantwaneni bakoLevi, izinkulungwane ezine lamakhulu ayisithupha j. 27LoJehoyada wayeyisiphathamandla sabakoAroni; kanye laye kwakulezinkulungwane ezintathu lamakhulu ayisikhombisa. 28LoZadoki ijaha, iqhawe elilamandla; lendlini kayise izinduna ezingamatshumi amabili k. 29Lebantwaneni bakoBhenjamini, abafowabo bakaSawuli, izinkulungwane ezintathu; ngoba kuze kube khathesi ubunengi babo bagcina uthembeko endlini kaSawuli l. 30Lebantwaneni bakoEfrayimi, izinkulungwane ezingamatshumi amabili lamakhulu ayisificaminwembili, amaqhawe alamandla, amadoda alamabizo endlini yaboyise m. 31Lengxenyeni eyodwa kwezimbili yesizwe sakoManase, izinkulungwane ezilitshumi leyisificaminwembili, ababeqanjwe ngamabizo ukuthi beze babeke uDavida abe yinkosi n. 32Lebantwaneni bakoIsakari, ababelokwazi beqedisisa izikhathi ukwazi ukuthi uIsrayeli ufanele enzeni, izinhloko zabo zazingamakhulu amabili, labafowabo bonke babesemlayweni wazo o. 33KoZebuluni, abaphuma impi, behlela impi ngazo zonke izikhali zempi, izinkulungwane ezingamatshumi amahlanu, ukugcina iviyo kungengenhliziyombili p. 34LakoNafithali, izinduna eziyinkulungwane, labayizinkulungwane ezingamatshumi amathathu lesikhombisa kanye lazo, belesihlangu esikhulu lomkhonto. 35LakwabakoDani, abahlela impi, izinkulungwane ezingamatshumi amabili lesificaminwembili lamakhulu ayisithupha. 36LakoAsheri q, abaphuma ebuthweni, ukuhlela impi, izinkulungwane ezingamatshumi amane r. 37Lababevela ngaphetsheya kweJordani, kwabakoRubeni labakoGadi lengxenye yesizwe sakoManase, belezikhali zonke zempi ukuyakulwa, izinkulungwane ezilikhulu lamatshumi amabili s. 38Wonke lamadoda empi, angagcina iviyo, afika eHebroni ngenhliziyo epheleleyo ukubeka uDavida abe yinkosi phezu kukaIsrayeli wonke; njalo loIsrayeli wonke oseleyo wayenhliziyonye ukubeka uDavida abe yinkosi t. 39Njalo baba lapho loDavida insuku ezintathu besidla benatha, ngoba abafowabo babebalungisele. 40Futhi lababeseduze labo kuze kube koIsakari lakoZebuluni lakoNafithali baletha isinkwa ngabobabhemi langamakamela langezimbongolo langezinkabi u, ukudla, impuphu, izinkwa zomkhiwa v, lamahlukuzo ezithelo zevini ezonyisiweyo, lewayini, lamafutha, lezinkabi, lezimvu, ngobunengi, ngoba kwakulentokozo koIsrayeli w.

Copyright information for Ndebele