1Ch 16:23-33 | Ndebele | STEP | Hlabelelani eN kosi ni, mhlaba wonke, litshumayele insuku ngensuku usindiso lwayo .

1 Chronicles 16:23-33

23 Hlabelelani eNkosini, mhlaba wonke, litshumayele insuku ngensuku usindiso lwayo ^a. 24 Landisani udumo lwayo phakathi kwezizwe, izimangaliso zayo phakathi kwabantu bonke. 25 Ngoba yinkulu iNkosi, ifanele ukudunyiswa kakhulu ^b, iyesabeka phezu kwabonkulunkulu bonke ^c. 26 Ngoba bonke onkulunkulu bezizwe bayizithombe ^d; kodwa iNkosi yenza amazulu ^e. 27 Udumo lenkazimulo kuphambi kwayo, amandla lentokozo kusendaweni yayo ^f. 28 Inikeni iNkosi, zizukulwana zezizwe, inikeni iNkosi udumo lamandla ^g. 29 Inikeni iNkosi udumo lwebizo layo ^h, lethani umnikelo lize phambi kwayo. Ikhonzeni iNkosi ebuhleni bobungcwele ⁱ. 30 Lithuthumele phambi kwayo, mhlaba wonke; njalo umhlaba uzaqiniswa, kawuyikunyikinyeka.

31 Kawathokoze amazulu, lomhlaba ujabule ^j, kabatsho phakathi kwezizwe ukuthi: INkosi iyabusa ^k. 32 Kaluhlokome ulwandle lokugcwala kwalo, iganga kalithabe lakho konke okukulo ^l. 33 Khona zizahlabelela ngentokozo izihlahla zehlathi phambi kweNkosi, ngoba iyeza ukwahlulela umhlaba.