1Sa 31:2, 2Sa 2:8-10, 1Ch 8:33, 9:39 | Ndebele | STEP | AmaFilisti asenamathela kuSawuli lamadodana akhe; amaFilisti abulala uJonathani, loAbinadaba, loMaliki-Shuwa, amadodana kaSawuli .

1 Samuel 31:2

2 AmaFilisti asenamathela kuSawuli lamadodana akhe; amaFilisti abulala uJonathani, loAbinadaba, loMaliki-Shuwa, amadodana kaSawuli ^a.

2 Samuel 2:8-10

UDavida ulwa labendlu kaSawuli

8 Kodwa uAbhineri indodana kaNeri ^b, induna yebutho uSawuli ayelalo, wathatha uIshiboshethi indodana kaSawuli, wamchaphisela eMahanayimi ^c, 9 wambeka waba yinkosi phezu kweGileyadi ^d, laphezu kwamaAshuri ^e, laphezu kweJizereyeli ^f, laphezu kukaEfrayimi ^g, laphezu kukaBhenjamini ^h, laphezu kukaIsrayeli wonke. 10 UIshiboshethi, indodana kaSawuli, wayeleminyaka engamatshumi amane esiba yinkosi phezu kukaIsrayeli, wabusa iminyaka emibili. Kodwa indlu yakoJuda yalandela uDavida.

1 Chronicles 8:33

33 UNeri ⁱ wasezala uKishi; uKishi wasezala uSawuli; uSawuli wasezala oJonathani loMaliki-Shuwa ^j loAbinadaba loEshibhali ^k.

1 Chronicles 9:39

39 UNeri wasezala uKishi; uKishi wasezala uSawuli; uSawuli wasezala oJonathani loMaliki-Shuwa loAbinadaba loEshibhali ^l.