Deu 17:14-20, 1Sa 8:11 | Ndebele | STEP | Lapho usufikile elizweni iN kosi uNkulunkulu wakho ekunika lona ukuthi udle ilifa lalo, uhlale kilo, ubususithi: Ngizazimisela inkosi njengazo zonke izizwe ezingizingelezeleyo ;

‏ Deuteronomy 17:14-20

Imilayezo ngenkosi

14 Lapho usufikile elizweni iNkosi uNkulunkulu wakho ekunika lona ukuthi udle ilifa lalo, uhlale kilo, ubususithi: Ngizazimisela inkosi njengazo zonke izizwe ezingizingelezeleyo ^a; 15 umbeke lokumbeka abe yinkosi phezu kwakho, yena iNkosi uNkulunkulu wakho ezamkhetha ^b. Evela phakathi kwabafowenu umbeke abe yinkosi phezu kwakho ^c; kawulakumbeka owezizweni phezu kwakho ongesumfowenu. 16 Kodwa angazandiseli amabhiza ^d, njalo angababuyiseli abantu eGibhithe ukuze andise amabhiza ^e, ngoba iNkosi ithe kini: Kalisayikubuyela futhi ngaleyondlela ^f. 17 Futhi angazandiseli abafazi, ukuze inhliziyo yakhe ingaphambuki; njalo angazandiseli kakhulu isiliva legolide ^g. 18 Kuzakuthi esehlala esihlalweni sobukhosi sombuso wakhe, uzazibhalela impinda yalumlayo egwalweni ^h, okuvela kulokho okuphambi ⁱ kwabapristi abangamaLevi ^j. 19 Njalo luzakuba laye, njalo abale kulo insuku zonke zempilo yakhe ^k, ukuze afunde ukuyesaba iNkosi uNkulunkulu wakhe, agcine wonke amazwi alumlayo lezimiso lezi, akwenze ^l, 20 ukuze inhliziyo yakhe ingaziphakamisi phezu kwabafowabo, lokuze angaphambuki emthethweni aye ngakwesokunene loba ngakwesokhohlo ^m, ukuze elule izinsuku embusweni wakhe, yena labantwana bakhe, phakathi kukaIsrayeli ⁿ.

‏ 1 Samuel 8:11

11 Wasesithi: Le izakuba yindlela yenkosi ezabusa phezu kwenu ^o; izathatha amadodana enu izibekele wona enqoleni zayo lakubagadi bamabhiza ayo, agijime phambi kwezinqola zayo ^p.