2Sa 10:6-19, 2Ki 19:35-36 | Ndebele | STEP | Lapho abantwana bakoAmoni sebebonile ukuthi baba levumba kuDavida , abantwana bakoAmoni bathumela baqhatsha kumaSiriya eBeti-Rehobi lakumaSiriya eZoba, amadoda ahamba ngenyawo azinkulungwane ezingamatshumi amabili , lenkosini yeMahaka , amadoda ayinkulungwane, lebantwini beTobi, amadoda azinkulungwane ezilitshumi lambili.

2 Samuel 10:6-19

6 Lapho abantwana bakoAmoni sebebonile ukuthi baba levumba kuDavida ^a, abantwana bakoAmoni bathumela baqhatsha kumaSiriya ^b eBeti-Rehobi ^c lakumaSiriya eZoba, amadoda ahamba ngenyawo azinkulungwane ezingamatshumi amabili ^d, lenkosini yeMahaka ^e, amadoda ayinkulungwane, lebantwini beTobi, amadoda azinkulungwane ezilitshumi lambili. 7 Kwathi uDavida esekuzwile wathuma uJowabi lebutho lonke lamaqhawe ^f. 8 Abantwana bakoAmoni basebephuma bahlela impi emnyango wesango; lamaSiriya eZoba leRehobi, labantu beTobi leMahaka babebodwa egangeni. 9 Lapho uJowabi ebona ukuthi impi ikhangele kuye ngaphambili langemuva, wakhetha kubo bonke abakhethiweyo koIsrayeli, wabahlela ukuthi bamelane lamaSiriya. 10 Abaseleyo babantu wasebanikela esandleni sikaAbishayi umfowabo, owabahlela ukuthi bamelane labantwana bakoAmoni. 11 Wasesithi: Uba amaSiriya elamandla kakhulu kulami, khona uzakuba lusizo kimi; kodwa uba abantwana bakoAmoni belamandla kakhulu kulawe, khona ngizakuza ukukusiza. 12 Qina ^g, asiziqinise ngenxa yabantu bakithi, langenxa yemizi kaNkulunkulu wethu ^h; iNkosi kayenze okuhle emehlweni ayo ⁱ. 13 UJowabi wasesondela, labantu ababelaye, empini lamaSiriya; asebaleka phambi kwakhe. 14 Lapho abantwana bakoAmoni bebona ukuthi amaSiriya ayabaleka, labo babaleka phambi kukaAbishayi, bangena emzini ^j. UJowabi wasebuyela esuka ebantwaneni bakoAmoni, weza eJerusalema.

15 AmaSiriya esebonile ukuthi atshayiwe phambi kukaIsrayeli, abuthana ndawonye. 16 UHadadezeri wasethumela, wakhupha amaSiriya ayengaphetsheya komfula, afika eHelamu, loShobaki induna yebutho likaHadadezeri phambi kwawo ^k. 17 Lapho kubikelwa uDavida, wabuthanisa uIsrayeli wonke, wachapha iJordani, wafika eHelamu. AmaSiriya asezihlelela ukumelana loDavida, alwa laye. 18 AmaSiriya asebaleka phambi kukaIsrayeli; uDavida wasetshaya kumaSiriya izinqola ezingamakhulu ayisikhombisa ^l, labagadi bamabhiza abazinkulungwane ezingamatshumi amane, watshaya uShobaki induna yebutho, owafela lapho ^m. 19 Lapho wonke amakhosi, izinceku zikaHadadezeri, ebona ukuthi atshaywa phambi kukaIsrayeli, enza ukuthula loIsrayeli ⁿ, abakhonza. Ngakho amaSiriya esaba ukusiza abantwana bakoAmoni futhi ^o.

2 Kings 19:35-36

35 Kwasekusithi ngalobobusuku ^p ingilosi yeNkosi yaphuma ^q yatshaya enkambeni yamaAsiriya izinkulungwane ezilikhulu lamatshumi ayisificaminwembili lanhlanu. Lapho bevuka ekuseni kakhulu, khangela, bonke babeyizidumbu ezifileyo ^r. 36 Ngakho uSenakheribi inkosi yeAsiriya wasuka wahamba wabuyela, wahlala eNineve ^s.