2Sa 20:9-10, 1Ki 2:5 | Ndebele | STEP | UJowabi wasesithi kuAmasa: Uyaphila yini, mfowethu? UJowabi wasebamba uAmasa ngesilevu ngesandla sokunene ukuze amange .

2 Samuel 20:9-10

9 UJowabi wasesithi kuAmasa: Uyaphila yini, mfowethu? UJowabi wasebamba uAmasa ngesilevu ngesandla sokunene ukuze amange ^a. 10 Kodwa uAmasa wayengayinanzeleli inkemba eyayisesandleni sikaJowabi; wasemtshaya ngayo ^b kubambo lwesihlanu, wathululela imibilini yakhe emhlabathini, kamphindanga, wafa ^c. UJowabi loAbishayi umfowabo basebexotshana loShebha indodana kaBikiri.

1 Kings 2:5

5 Futhi-ke wena uyakwazi ukuthi uJowabi indodana kaZeruya wenzani kimi, ukuthi wenzani kuzinduna ezimbili zamabutho akoIsrayeli ^d, kuAbhineri indodana kaNeri ^e, lakuAmasa indodana kaJetheri, owababulala wachitha igazi lempi ekuthuleni, wafaka igazi lempi ebhantini lakhe elalisekhalweni lwakhe lemanyathelweni asenyaweni zakhe ^f.