Isa 2:3, Act 2:14-47 | Ndebele | STEP | Lezizwe ezinengi zizahamba zithi: Wozani senyukele entabeni yeN kosi , endlini kaNkulunkulu kaJakobe, njalo uzasifundisa ngendlela zakhe , sihambe emikhondweni yakhe; ngoba kuzaphuma umlayo eZiyoni , lelizwi leN kosi eJerusalema .

3 Lezizwe ezinengi zizahamba zithi: Wozani ^a senyukele entabeni yeNkosi, endlini kaNkulunkulu kaJakobe, njalo uzasifundisa ngendlela zakhe ^b, sihambe emikhondweni yakhe; ngoba kuzaphuma umlayo eZiyoni ^c, lelizwi leNkosi eJerusalema ^d.

‏ Acts 2:14-47

Intshumayelo kaPetro

14 Kodwa uPetro emi labalitshumi lanye ^e, waphakamisa ilizwi lakhe, wasesithi kubo: Madoda maJuda, lani lonke elihlala eJerusalema, kakwaziwe kini lokhu, njalo lilalelisise amazwi ami ^f. 15 Ngoba laba kabadakwanga, njengoba lina licabanga ^g; ngoba ^h kulihola lesithathu* losuku ⁱ; 16 kodwa lokhu yikho okwakhulunywa ngumprofethi uJoweli: 17 Njalo kuzakuthi ensukwini zokucina, utsho uNkulunkulu ^j, ngizathulula okoMoya wami ^k phezu kwayo yonke inyama ^l; lamadodana enu lamadodakazi enu azaprofetha, lamajaha enu abone imibono, labadala benu baphuphe amaphupho ^m; 18 njalo laphezu kwenceku zami laphezu kwencekukazi zami ngalezonsuku ngizathulula okoMoya wami, njalo zizaprofetha ⁿ. 19 Njalo ngizaveza izimangaliso ezulwini phezulu ^o, lezibonakaliso emhlabeni phansi, igazi, lomlilo, leyezi lentuthu ^p; 20 ilanga lizaphendulwa umnyama, lenyanga igazi, lungakafiki usuku lweNkosi olukhulu loludumisekayo ^q; 21 kuzakuthi, wonke obiza ibizo leNkosi uzasindiswa ^r. 22 Madoda maIsrayeli, zwanini la amazwi: UJesu weNazaretha ^s, umuntu ofakazelwe nguNkulunkulu phambi kwenu ^t ngemisebenzi yamandla ^u langezimangaliso langezibonakaliso, uNkulunkulu azenza ngaye phakathi kwenu, njengalokhu lisazi lani uqobo lwenu ^v, 23 yena lo esenikelwe ^w ngecebo elimisiweyo ^x langokwazi okuphambili kukaNkulunkulu ^y lamthatha, ngezandla zabangelamthetho lambethela lambulala ^z; 24 yena uNkulunkulu wamvusa ^aa, esethukulule inhlungu zokufa, ngoba kwakungelakwenzeka ukuthi abanjwe yikho ^ab. 25 Ngoba uDavida uthi ngaye ^ac: Ngangibona iNkosi phambi kwami njalonjalo; ngoba ingakwesokunene sami, ukuze nginganyikinyeki; 26 ngakho inhliziyo yami yajabula, lolimi lwami lwathokoza; ngitsho lenyama yami izahlala ethembeni ^ad; 27 ngoba kawuyikutshiya umphefumulo wami esihogweni, kawuyikunikela oNgcwele wakho ukuthi abone ukubola ^ae. 28 Wangazisa indlela zempilo; uzangigcwalisa ngenjabulo ebusweni bakho. 29 Madoda bazalwane, ake ngikhulume ^{▼▼ ake ngikhulume: kumbe, kuvunyelwe ngikhulume.} kini ngokusobala ngokhokho uDavida ^ag, ukuthi wafa njalo wangcwatshwa ^ah, lengcwaba lakhe likhona kithi kuze kube lamuhla ^ai. 30 Ngakho, yena engumprofethi, ekwazi ukuthi uNkulunkulu wafunga ngesifungo kuye ^aj, ukuthi esithelweni sokhalo lwakhe ngokwenyama uzavusa uKristu, ukuze ahlale esihlalweni sakhe sobukhosi ^ak, 31 ebonile ngaphambili wakhuluma ngokuvuka kukaKristu, ukuthi umphefumulo wakhe kawutshiywanga ^al esihogweni ^am, lenyama yakhe kayikubonanga ukubola. 32 UJesu lo uNkulunkulu wamvusa ^an, esingabafakazi balokhu thina sonke ^ao. 33 Ngakho ephakanyiswe ngakwesokunene sikaNkulunkulu ^ap, esemukele kuBaba isithembiso sikaMoya oNgcwele ^aq, uthulule lokhu elikubonayo lelikuzwayo ^ar khathesi. 34 Ngoba uDavida kenyukelanga ^as emazulwini ^at, kodwa yena uqobo lwakhe uthi: INkosi yathi eNkosini yami: Hlala ngakwesokunene sami, 35 ngize ngenze izitha zakho zibe yisenabelo senyawo zakho ^au. 36 Ngakho indlu kaIsrayeli yonke kayazi isibili, ukuthi uNkulunkulu umenzile kokubili ^av ukuba yiNkosi loKristu, uJesu lo elambethelayo ^aw lina.

Ukuphenduka lokubhabhathizwa kwabazinkulungwane ezintathu

37 Sebekuzwa lokhu bahlabeka enhliziyweni ^ax, basebesithi kuPetro lakwabanye abaphostoli: Madoda bazalwane, sizakwenzani ^ay? 38 UPetro wasesithi kubo: Phendukani ^az, libhabhathizwe lonke ngamunye wenu ebizweni likaJesu Kristu ^ba ethethelelweni lwezono ^bb, njalo lizakwemukela isipho sikaMoya oNgcwele ^bc. 39 Ngoba isithembiso ngesenu, lesabantwana benu ^bd, lesabo bonke abakhatshana, bonke iNkosi uNkulunkulu wethu ezababizela kuyo ^be. 40 Langamanye amazwi amanengi wafakaza wakhuthaza wathi ^bf: Zisindiseni kulesisizukulwana esiphambeneyo ^bg. 41 Ngakho abalemukelayo ilizwi lakhe ngokuthokoza babhabhathizwa ^bh; njalo ngalolosuku kwengezelelwa imiphefumulo ^bi engaba zinkulungwane ezintathu ^bj.

Ibandla leJerusalema

42 Basebephikelela ekufundiseni kwabaphostoli lebudlelwaneni ^bk, lekuhlephuleni isinkwa lemikhulekweni. 43 Lokwesaba kwehlela phezu kwayo yonke imiphefumulo ^bl; njalo kwenziwa ngabaphostoli izimangaliso lezibonakaliso ezinengi ^bm. 44 Njalo bonke abakholwayo babendawonye ^bn, babelezinto zonke bezihlanganyela ^bo, 45 basebethengisa izinto lempahla zabo ^bp, basebesabelana bonke, njengokuswela komunye lomunye ^bq. 46 Insuku ngensuku basebephikelela ^br nganhliziyonye ^bs ethempelini ^bt, behlephula isinkwa ^bu izindlu ngezindlu ^{▼▼ izindlu ngezindlu: kumbe, ekhaya.}, besidla ndawonye ngentokozo langenhliziyo emhlophe ^bw, 47 bedumisa uNkulunkulu ^bx, bethandeka ebantwini bonke ^by. LeNkosi yengezelela ebandleni insuku ngensuku ^bz labo abasindiswayo ^ca.