Deu 8:2-3, Neh 9:15, 20-21 | Ndebele | STEP | Njalo uzakhumbula indlela yonke iN kosi uNkulunkulu wakho ekukhokhele ngayo liminyaka engamatshumi amane enkangala, ukuze ikuthobise , ikuhlole , ukwazi okusenhliziyweni yakho, uba uzagcina imithetho yayo, loba hatshi .

Deuteronomy 8:2-3

2 Njalo uzakhumbula indlela yonke iNkosi uNkulunkulu wakho ekukhokhele ngayo liminyaka engamatshumi amane enkangala, ukuze ikuthobise ^a, ikuhlole ^b, ukwazi okusenhliziyweni yakho, uba uzagcina imithetho yayo, loba hatshi ^c. 3 Yasikuthobisa, yakulambisa ^d, yakudlisa imana owawungayazi, laboyihlo babengayazi ^e, ukuze ikwazise ukuthi umuntu kaphili ngesinkwa sodwa, kodwa ngakho konke okuphuma emlonyeni weNkosi umuntu uyaphila ^f.

Nehemiah 9:15

15 Wabanika isinkwa esivela emazulwini ekulambeni kwabo ^g, lamanzi edwaleni wabakhuphela wona ekomeni kwabo ^h; wabatshela ukuthi bazangena badle ilifa lelizwe owaphakamisa isandla sakho ukubanika lona ⁱ.

Nehemiah 9:20-21

20 Wabanika umoya wakho omuhle ukubafundisa ^j, lemana yakho kawuyigodlanga emlonyeni wabo ^k, wabanika amanzi ekomeni kwabo ^l. 21 Yebo, iminyaka engamatshumi amane wabondla enkangala, kabaswelanga lutho ^m; izigqoko zabo kaziguganga, lenyawo zabo kazivuvukanga ⁿ.