Est 3:12, 8:9, 9:3, Dan 3:2-3, 27, 6:2 | Ndebele | STEP | Kwasekubizwa ababhali benkosi ngenyanga yokuqala ngosuku lwetshumi lantathu lwayo ; kwasekubhalwa njengakho konke uHamani ayekulayile, ezikhulwini zenkosi lakubabusi ababephezu kwesabelo lesabelo , lakuziphathamandla zesizwe lesizwe sesabelo lesabelo, njengokombhalo waso , labantu ngabantu ngokolimi lwabo; kwabhalwa ebizweni lenkosi uAhasuwerusi , kwananyathiselwa ngendandatho yophawu lwenkosi.

12 Kwasekubizwa ababhali benkosi ^a ngenyanga yokuqala ngosuku lwetshumi lantathu lwayo ^b; kwasekubhalwa njengakho konke uHamani ayekulayile, ezikhulwini zenkosi ^c lakubabusi ababephezu kwesabelo lesabelo ^d, lakuziphathamandla zesizwe lesizwe sesabelo lesabelo, njengokombhalo waso ^e, labantu ngabantu ngokolimi lwabo; kwabhalwa ebizweni lenkosi uAhasuwerusi ^f, kwananyathiselwa ngendandatho yophawu lwenkosi.

Esther 8:9

9 Kwasekubizwa ababhali benkosi ngalesosikhathi ngenyanga yesithathu, eyinyanga uSivani, ngolwamatshumi amabili lantathu lwayo; kwasekubhalwa njengakho konke uModekhayi akulaya kumaJuda, lezikhulwini lakubabusi lakuziphathamandla zezabelo ezisukela eIndiya kuze kufike eEthiyophiya, izabelo ezilikhulu lamatshumi amabili lesikhombisa, isabelo lesabelo njengokombhalo waso, lesizwe ngesizwe njengokolimi lwaso, lakumaJuda njengokombhalo wawo lanjengokolimi lwawo.

Esther 9:3

3 Zonke-ke iziphathamandla zezabelo, lezikhulu, lababusi, labenzi bomsebenzi inkosi eyayilabo, basiza amaJuda, ngoba ukwesabeka kukaModekhayi kwakubehlele.

Daniel 3:2-3

2 UNebhukadinezari inkosi wasethumela ukubuthela ndawonye iziphathamandla ^{g
,} ^h, ababusi ^{i
,} ^j, lezinduna ^{k
,} ^l, abeluleki ^m, abaphathizikhwama ⁿ, abehluleli ^o, abathonisisi ^p, labo bonke ababusi bezabelo ^q, ukuze beze ekwehlukanisweni kwesithombe uNebhukadinezari inkosi ayesimisile. 3 Lapho iziphathamandla, ababusi, lezinduna, abeluleki, abaphathizikhwama, abehluleli, abathonisisi, labo bonke ababusi bezabelo ^r babuthana ndawonye ekwehlukanisweni kwesithombe uNebhukadinezari inkosi ayesimisile; basebesima phambi kwesithombe uNebhukadinezari ayesimisile.

Daniel 3:27

27 Iziphathamandla ^s, ababusi ^t, lezinduna ^u, labeluleki benkosi ^v, sebebuthene, babona la amadoda, umlilo owawungazanga ube lamandla phezu kwemizimba yawo ^w, okwakungahangulwanga lonwele lwekhanda lawo, lezambatho zawo ezazingaguqukanga, lokunuka komlilo okwakungedlulanga kiwo ^x.

Daniel 6:2

2 laphezu kwazo ababonisi abathathu ^y, uDaniyeli aba ngowokuqala kubo ^z; ukuthi leziziphathamandla zilandise kubo ^aa, njalo inkosi ingabi lomonakalo.