a12:18; Levi 23:5; Nani 9:3, 28:16; Josh 5:10; Ezra 6:19
b23:18, 34:25
c13:9
d12:17,24,43, 13:10
e12:42; Dute 16:3
f12:8
g12:15, 13:6, 34:18; Levi 23:6; Dute 16:8
h34:20; Dute 16:16
i12:15, 23:15
j12:2, 13:4
kLevi 23:5
lEks 40:36; Nani 10:11,33,34
mEks 12:6; Dute 16:1; Hez 45:21
n16:8, Eks 12:2-39; Levi 23:4
oEks 13:4, 34:18
pNani 28:19
q12:5
rEks 12:11; Isa 52:12
s13:7
tEks 34:25
uEks 12:6
v2 Lan 35:13
w16:3,4; Eks 12:16, 13:6
xLevi 23:8
yEks 12:6; Josh 4:19, 4:8
zEks 12:6; 2 Lan 35:1

Exodus 12:6

6Njalo lizaligcina kuze kufike usuku lwetshumi lane lwaleyonyanga a, njalo ibandla lonke lenhlangano yakoIsrayeli izalihlaba kusihlwa.

Exodus 12:10

10Njalo lingatshiyi lutho kulo kuze kube sekuseni b, kodwa okusalayo kulo kuze kube sekuseni lizakutshisa ngomlilo.

Exodus 12:14

14Njalo lolusuku luzakuba kini yisikhumbuzo c; njalo lizalugcina lube ngumkhosi eNkosini; lizalugcina ezizukulwaneni zenu ngokomthetho wanininini d.

Exodus 12:18

18Kweyokuqala, osukwini lwetshumi lane lwenyanga kusihlwa lizakudla isinkwa esingelamvubelo, kuze kufike usuku lwamatshumi amabili lanye lwenyanga kusihlwa.

Exodus 13:3

3UMozisi wasesithi ebantwini: Khumbulani lolusuku eliphume ngalo eGibhithe, endlini yobugqili e; ngoba ngamandla esandla iNkosi ilikhuphile lapha. Njalo kakungadliwa isinkwa esilemvubelo f.

Exodus 23:15

15Umkhosi wesinkwa esingelamvubelo uzawugcina g, insuku eziyisikhombisa udle isinkwa esingelamvubelo njengokukulaya kwami, ngesikhathi esimisiweyo senyanga kaAbhibhi; ngoba kuyo waphuma eGibhithe; kabayikubonakala phambi kwami bengaphethe lutho h.

Exodus 34:18

18Umkhosi wesinkwa esingelamvubelo i uwugcine; insuku eziyisikhombisa udle isinkwa esingelamvubelo njengokukulaya kwami, ngesikhathi esimisiweyo senyanga kaAbhibhi j, ngoba ngenyanga kaAbhibhi waphuma eGibhithe.

Numbers 9:2-3

2Futhi abantwana bakoIsrayeli kabagcine iphasika ngesikhathi salo esimisiweyo k. 3Ngosuku lwetshumi lane lwenyanga le, kusihlwa, lizaligcina ngesikhathi salo esimisiweyo; ngokwezimiso zalo zonke langokwemithetho yalo yonke liligcine.

Numbers 9:17

17Kwakusithi lapho iyezi liphakanyiswa lisuka phezu kwethente, langemva kwalokho abantwana bakoIsrayeli basuke; lendaweni lapho iyezi elima khona, abantwana bakoIsrayeli bamisa khona amathente abo l.

Numbers 28:16

16Futhi ngenyanga yokuqala ngosuku lwetshumi lane lwenyanga kuliphasika leNkosi m.

Deuteronomy 16:1-8

1Gcina inyanga kaAbhibhi, wenzele iNkosi uNkulunkulu wakho iphasika n, ngoba ngenyanga kaAbhibhi iNkosi uNkulunkulu wakho yakukhupha eGibhithe ebusuku o. 2Ngakho uzahlabela iNkosi uNkulunkulu wakho iphasika, lezimvu lenkomo p, endaweni iNkosi ezayikhetha ukuthi ibeke ibizo layo khona q. 3Ungadli lalo isinkwa esilemvubelo. Insuku eziyisikhombisa uzakudla lalo isinkwa esingelamvubelo, isinkwa senhlupheko, ngoba waphuma elizweni leGibhithe ngokuphangisa, ukuze ukhumbule usuku lokuphuma kwakho elizweni leGibhithe zonke izinsuku zempilo yakho r. 4Njalo kakungabonwa kuwe imvubelo emingceleni yonke yakho insuku eziyisikhombisa; futhi okwenyama oyihlaba kusihlwa s ngosuku lokuqala kakungalali ubusuku bonke kuze kuse t. 5Awulakuhlaba iphasika phakathi kwaloba yiliphi lamasango akho, iNkosi uNkulunkulu wakho ekunika wona, 6kodwa endaweni iNkosi uNkulunkulu wakho ezayikhetha ukuhlalisa ibizo layo khona, lapho uzahlabela iphasika kusihlwa, ekutshoneni kwelanga, ngesikhathi esimisiweyo sokuphuma kwakho eGibhithe u. 7Njalo uzalipheka, ulidlele endaweni iNkosi uNkulunkulu wakho ezayikhetha. Lekuseni uzaphenduka uye emathenteni akho v. 8Insuku eziyisithupha uzakudla isinkwa esingelamvubelo w; langosuku lwesikhombisa kube lomhlangano onzulu eNkosini uNkulunkulu wakho; ungenzi umsebenzi x.

Joshua 5:10

Abantwana bakoIsrayeli bagcina iphasika eGiligali

10Abantwana bakoIsrayeli basebemisa inkamba eGiligali, bagcina iphasika ngosuku lwetshumi lane lwenyanga kusihlwa emagcekeni eJeriko y.

Ezra 6:19

19Abantwana bokuthunjwa benza lephasika ngolwetshumi lane lwenyanga yokuqala z.
Copyright information for Ndebele