Exo 25:18-22, 1Sa 4:4, 1Ki 6:23-28 | Ndebele | STEP | Ubususenza amakherubhi * amabili ngegolide, uzawenza ngomsebenzi okhandiweyo , avele emaphethelweni womabili esihlalo somusa.

a 25:31, 37:7,17,22; Nani 8:4,10; 2; Jer 10:5

b 1 Kho 8:7; 1 Lan 28:18; Heb 9:5

c40:20, 26:34

d 25:16; Dute 31:26; 1 Kho 8:9

e 29:42,43, 30:6,36; Nani 17:4

f Nani 7:89; 1 Sam 4:4; 2 Sam 6:2; 2 Kho 19:15; Hlab 80:1; Isa 37:16

g Josh 18:1

h Eks 25:22; Hlab 99:1; Nani 7:89

i Eks 37:7-9; 2 Lan 3:10-13

j Eks 25:20, 37:9; 2 Lan 5:8

Exodus 25:18-22

18 Ubususenza amakherubhi* amabili ngegolide, uzawenza ngomsebenzi okhandiweyo ^a, avele emaphethelweni womabili esihlalo somusa. 19 Wenze elinye ikherubhi livele ephethelweni lwaloluhlangothi, lelinye ikherubhi livele ephethelweni lolunye uhlangothi, uzakwenza amakherubhi evela esihlalweni somusa emaphethelweni womabili aso. 20 Lamakherubhi azakwelula impiko zawo ngaphezulu ^b, ambomboze isihlalo somusa ngempiko zawo, lobuso bawo bukhangelane; ubuso bamakherubhi buzakhangela isihlalo somusa. 21 Njalo uzasibeka isihlalo somusa ngaphezulu ^c, phezu komtshokotsho, ufake emtshokotshweni ubufakazi engizakunika bona ^d. 22 Ngizahlangana-ke lawe lapho ^e, ngikhulume lawe ngingaphezu kwesihlalo somusa, ngiphakathi kwamakherubhi amabili ^f aphezu komtshokotsho wobufakazi, konke engizakulaya khona kubantwana bakoIsrayeli.

1 Samuel 4:4

4 Ngakho abantu bathumela eShilo ^g, ukuthi bathathe khona umtshokotsho wesivumelwano seNkosi yamabandla, ehlala phakathi kwamakherubhi* ^h; lamadodana amabili kaEli, uHofini loPhinehasi, ayelapho lomtshokotsho wesivumelwano sikaNkulunkulu.

1 Kings 6:23-28

23 Endaweni yelizwi wasesenza amakherubhi* amabili ngesihlahla somhlwathi ⁱ, ukuphakama kwakuzingalo ezilitshumi ngalinye. 24 Olunye uphiko lwekherubhi lwaluzingalo ezinhlanu, lolunye uphiko lwekherubhi lwaluzingalo ezinhlanu; kusukela ekucineni kolunye uphiko kusiya ekucineni kolunye uphiko kwakuzingalo ezilitshumi. 25 Lelinye ikherubhi lalizingalo ezilitshumi; womabili amakherubhi ayeyisilinganiso sinye lesimo sinye. 26 Ukuphakama kwelinye ikherubhi kwakuzingalo ezilitshumi, lelinye ikherubhi lalinjalo. 27 Wasewabeka amakherubhi phakathi kwendlu engaphakathi; njalo amakherubhi elula impiko, kuze kuthi olunye uphiko lwathinta umduli, lophiko lwelinye ikherubhi lwathinta omunye umduli, lempiko zawo zathintana uphiko lophiko ngaphakathi kwendlu ^j. 28 Wasewahuqa amakherubhi ngegolide.