Exo 30:12-16, 2Ki 12:4 | Ndebele | STEP | Lapho uthatha inani lonke labantwana bakoIsrayeli , njengokubalwa kwabo, bazanika ngulowo lalowo ihlawulo ngomphefumulo wakhe eN kosi ni , nxa ubabala; ukuze kungabi lenhlupheko phakathi kwabo , nxa ubabala.

f30:16, 30:12

Exodus 30:12-16

12 Lapho uthatha inani lonke labantwana bakoIsrayeli ^a, njengokubalwa kwabo, bazanika ngulowo lalowo ihlawulo ngomphefumulo wakhe eNkosini ^b, nxa ubabala; ukuze kungabi lenhlupheko phakathi kwabo ^c, nxa ubabala. 13 Bazanika lokhu, wonke odlulela kwababaliweyo, ingxenye yeshekeli*, njengokweshekeli lendlu engcwele - ishekeli lingamagera* angamatshumi amabili ^d - ingxenye yeshekeli ^e ngumnikelo eNkosini. 14 Wonke odlulela kwababaliweyo, kusukela koleminyaka engamatshumi amabili langaphezulu, anikele umnikelo weNkosi. 15 Abanothileyo bangadlulisi, labayanga banganciphisi ingxenye yeshekeli, lapho linikela umnikelo weNkosi, ukwenzela imiphefumulo yenu inhlawulo yokuthula ^f. 16 Uzathatha imali yenhlawulo zokuthula ebantwaneni bakoIsrayeli, uyinikele inkonzo yethente lenhlangano ^g, ukuthi ibe yisikhumbuzo ^h sabantwana bakoIsrayeli phambi kweNkosi, ukwenzela imiphefumulo yenu inhlawulo yokuthula.

2 Kings 12:4

4 UJehowashi wasesithi kubapristi: Yonke imali yezinto ezehlukanisiweyo elethwa endlini kaJehova ⁱ, imali yalowo lalowo odlulayo kwababaliweyo, imali yalowo lalowo umuntu ayilinganisileyo, yonke imali, okuvela enhliziyweni yaloba nguwuphi umuntu ukuyiletha endlini yeNkosi ^j;