Exo 7:17-25, Psa 105:29 | Ndebele | STEP | Itsho njalo iN kosi : Ngalokhu uzakwazi ukuthi ngiyiN kosi ; khangela, ngizatshaya ngentonga esesandleni sami phezu kwamanzi asemfuleni, njalo azaphenduka abe ligazi .

a5:2,4, 7:5

b 4:9; Isam 16:4,6

c 7:21,24

d8:5,6,16,17, 9:22, 10:12,21, 14:16,21,26

Exodus 7:17-25

17 Itsho njalo iNkosi: Ngalokhu uzakwazi ukuthi ngiyiNkosi ^a; khangela, ngizatshaya ngentonga esesandleni sami phezu kwamanzi asemfuleni, njalo azaphenduka abe ligazi ^b. 18 Lenhlanzi ezisemfuleni zizakufa, lomfula ube levumba; lamaGibhithe azadinwa yikunatha amanzi emfuleni ^c.

19 INkosi yasisithi kuMozisi: Tshono kuAroni uthi: Thatha intonga yakho, welule isandla sakho ^d phezu kwamanzi eGibhithe, phezu kwemifula yabo, phezu kwezifula zabo, laphezu kweziziba zabo, laphezu kwamachibi wonke amanzi abo, ukuze abe ligazi. Kuzakuba legazi elizweni lonke leGibhithe, lezitsheni zezihlahla lezamatshe. 20 UMozisi loAroni basebesenza njalo, njengokulaya kweNkosi; wasephakamisa intonga, watshaya amanzi ayesemfuleni ^e phambi kwamehlo kaFaro laphambi kwamehlo ezinceku zakhe; lawo wonke amanzi ayesemfuleni aphendulwa aba ligazi ^f. 21 Lenhlanzi ezisemfuleni zafa; lomfula waba levumba, kwaze kwathi amaGibhithe ehluleka ukuwanatha amanzi emfuleni ^g; njalo kwakulegazi elizweni lonke leGibhithe. 22 Labalumbi beGibhithe benza njalo ngamalumbo abo ^h, kwaze kwathi inhliziyo kaFaro yaba lukhuni ⁱ, njalo kabalalelanga, njengokutsho kweNkosi ^j. 23 UFaro wasetshibilika waya endlini yakhe njalo kayibekanga inhliziyo yakhe lakulokhu. 24 LamaGibhithe wonke agebha amanzi okunatha inhlangothi zonke zomfula, ngoba babengelakunatha emanzini omfula. 25 Lensuku eziyisikhombisa zagcwaliseka emva kokuthi iNkosi isitshaye umfula.

Psalms 105:29

29 Yaphendula amanzi abo aba ligazi, yabulala inhlanzi zawo ^k.