Eze 34:8, 10, Phili 2:21, Jude 12 | Ndebele | STEP | Kuphila kwami, itsho iNkosi uJehova , isibili, ngoba umhlambi wami usube yimpango , lomhlambi wami usube yikudla kwaso sonke isilo seganga, ngoba kungelamelusi , labelusi bami bengazidinganga izimvu zami, kodwa abelusi bezelusile bona , bengazelusanga izimvu zami ;

‏ Ezekiel 34:8

8 Kuphila kwami, itsho iNkosi uJehova ^a, isibili, ngoba umhlambi wami usube yimpango ^b, lomhlambi wami usube yikudla kwaso sonke isilo seganga, ngoba kungelamelusi ^c, labelusi bami bengazidinganga izimvu zami, kodwa abelusi bezelusile bona ^d, bengazelusanga izimvu zami ^e;

‏ Ezekiel 34:10

10 Itsho njalo iNkosi uJehova: Khangela, ngimelane labelusi, ngizabiza umhlambi wami esandleni sabo, ngibenze bayekele ukwelusa umhlambi ^f, ukuthi abelusi bangabuyi bazeluse bona; ngiwophule umhlambi wami emlonyeni wabo ^g, ukuze ungabi yikudla kwabo ^h.

‏ Philippians 2:21

21 ngoba bonke ⁱ bazidingela okwabo ^j, kungeyisikho okukaKristu Jesu.

‏ Jude 12

12 Laba bayizici emadilini enu othando, nxa beledili lani ^k, ngokungesabi bayazondla ^l; amayezi angelamanzi ^m, bephetshulwa yimimoya ⁿ; izihlahla zamaphethelo ekwindla, ezingelazithelo ^o, ezife kabili, sezisitshulwe ^p;