2Ch 20:24, Ezr 9:13-15 | Ndebele | STEP | UJuda esefikile enqabeni yokulinda enkangala bakhangela ngasexukwini, khangela-ke, kwakulezidumbu eziwele emhlabathini; njalo kungekho ophephileyo.

2 Chronicles 20:24

24 UJuda esefikile enqabeni yokulinda enkangala bakhangela ngasexukwini, khangela-ke, kwakulezidumbu eziwele emhlabathini; njalo kungekho ophephileyo.

Ezra 9:13-15

13 Lemva kwakho konke okusehleleyo ngenxa yezenzo zethu ezimbi langenxa yecala lethu elikhulu ^a, ngoba wena Nkulunkulu wethu uzibambile ekusijeziseni kancane kulezono zethu ^b, wasinika ukuphepha okunje ^c; 14 sizayephula futhi yini imilayo yakho, sithathane lesizwe salezizinengiso ^d? Kawuyikusithukuthelela yini uze usiqede ^e, kuze kungabi lensali kumbe ukuphepha ^f? 15 Nkosi, Nkulunkulu kaIsrayeli, ulungile ^g; ngoba sitshiyelwe ukuphunyuka njengalamuhla ^h. Khangela, siphambi kwakho ecaleni lethu ⁱ, ngoba kakho ongema phambi kwakho ngenxa yalokhu ^j.