Gen 12:1-3, 15:13, Exo 12:40-41, Act 7:6 | Ndebele | STEP | IN kosi yasisithi kuAbrama: Suka wena elizweni lakini lezihlotsheni zakho lemzini kayihlo, uye elizweni engizakutshengisa lona .

Genesis 12:1-3

1 INkosi yasisithi kuAbrama: Suka wena elizweni lakini lezihlotsheni zakho lemzini kayihlo, uye elizweni engizakutshengisa lona ^a. 2 Ngizakwenza-ke ube yisizwe esikhulu, ngikubusise, ngenze ibizo lakho libe likhulu, njalo ube yisibusiso. 3 Njalo ngizababusisa abakubusisayo, lokuqalekisayo ngimqalekise ^b; lakuwe kuzabusiswa zonke insapho zomhlaba ^c.

Genesis 15:13

13 Yasisithi kuAbrama: Yazi lokwazi ukuthi inzalo yakho izakuba yisihambi elizweni elingeyisilo layo ^d, njalo bazabasebenzela, besebebahlupha ^e iminyaka engamakhulu amane ^f.

Exodus 12:40-41

40 Isikhathi sokuhlala-ke kwabantwana bakoIsrayeli abasihlala eGibhithe sasiyiminyaka engamakhulu amane lamatshumi amathathu ^g. 41 Kwasekusithi ekupheleni kweminyaka engamakhulu amane lamatshumi amathathu, kwathi ngalona lolosuku wonke amabutho eNkosi aphuma elizweni leGibhithe ^h.

Acts 7:6

6 UNkulunkulu wasekhuluma kanje esithi inzalo yakhe izakuba yisihambi elizweni lemzini, bazayenza isigqili bazayiphatha kubi ⁱ, iminyaka engamakhulu amane ^j;