Hos 1:10, Rom 11:11-26 | Ndebele | STEP | Kube kanti inani labantwana bakoIsrayeli lizakuba ngangetshebetshebe lolwandle elingeke lilinganiswe elingeke libalwe. Njalo kuzakuthi , endaweni yokuthi kuthiwe kubo: Kalisibo abantu bami; kuzakuthiwa kubo: Ling abantwana bakaNkulunkulu ophilayo .

Hosea 1:10

10 Kube kanti inani ^a labantwana bakoIsrayeli lizakuba ngangetshebetshebe lolwandle elingeke lilinganiswe elingeke libalwe. Njalo ^b kuzakuthi ^c, endaweni yokuthi kuthiwe kubo: Kalisibo abantu bami; kuzakuthiwa kubo: Lingabantwana ^{d
,} ^e bakaNkulunkulu ophilayo ^f.

Romans 11:11-26

11 Ngakho ngithi: Bakhubeka ukuze bawe yini? Phinde ^g! Kodwa ngesiphambeko sabo usindiso lufikile kwabezizwe ^h, ukubavusela umona ⁱ. 12 Kodwa uba isiphambeko sabo siyinotho yomhlaba, lokwehluleka kwabo kuyinotho yabezizwe, kakhulu kangakanani ukugcwala kwabo?

Usindiso lwafika kwabezizwe

13 Ngoba ngikhuluma lani bezizwe, njengalokho mina ngingumphostoli wabezizwe; ngikhulisa inkonzo yami ^j; 14 ukuthi mhlawumbe ngibavusele umona abenyama yami ^k, ngisindise ^l abanye babo ^{m
,} ⁿ. 15 Ngoba uba ukulahlwa kwabo kuyikubuyiswa komhlaba, kungaba yini ukwemukelwa, ngaphandle kokuthi kuyimpilo kwabafileyo ^o? 16 Njalo uba izithelo zokuqala zingcwele ^p, lenhlama injalo ^q; uba-ke impande ingcwele, lengatsha zinjalo ^r. 17 Kodwa uba kwephulwe ezinye ingatsha ^s, lawe ongumhlwathi weganga waxhunyelelwa phakathi kwazo ^t, uhlanganyele lazo impande lamafutha omhlwathi ^u, 18 ungazincomi phezu kwengatsha; kodwa uba uzincoma phezu kwazo, kayisuwe othwele impande, kodwa impande wena. 19 Uzakuthi-ke: Ingatsha zephulwa, ukuze mina ngixhunyelwe. 20 Kulungile; zephulwa ngokungakholwa, wena-ke umi ngokholo ^v. Ungazikhukhumezi ^w, kodwa yesaba ^x; 21 ngoba uba uNkulunkulu engayekelanga ingatsha zemvelo, hlezi lawe kayikukuyekela. 22 Khangela-ke ububele lobukhali bukaNkulunkulu; ubukhali, kulabo abawayo; kodwa kuwe, ububele, uba uhlala ebubeleni ^y; uba kungenjalo uzaqunywa lawe ^z. 23 Lalabo futhi, uba bengahlali ekungakholweni, bazaxhunyelwa, ngoba uNkulunkulu ulamandla okubuya abaxhume. 24 Ngoba uba wena waqunywa emhlwathini weganga ngemvelo, wasuxhunyelelwa ngokuphambene lemvelo emhlwathini ohlanyelweyo, kakhulu kangakanani labo, abazingatsha ngemvelo, bazaxhunyelelwa esihlahleni sakibo somhlwathi ^aa?

UNkulunkulu ulesihawu kubantu bonke

25 Ngoba ngithanda ukuthi lingabi ngabangaziyo, bazalwane, ngalimfihlo ^ab, hlezi lizitshaye abahlakaniphileyo ^ac, ukuthi ubulukhuni ^ad sebehlele uIsrayeli nganxanye ^ae, kuze kungene ukugcwala kwabezizwe ^af; 26 ngokunjalo-ke uIsrayeli wonke uzasindiswa ^ag; njengokulotshiweyo ukuthi: Kuzavela ^ah eSiyoni uMkhululi ^ai, asuse ukungabi loNkulunkulu kuJakobe ^aj;