Isa 6:9-10, 63:17, Joh 8:43, Act 28:26-27 | Ndebele | STEP | Yasisithi: Hamba, uthi kulababantu: Zwanini lizwe , kodwa kaliyikuqedisisa; njalo bonani libone, kodwa kaliyikubonisisa.

Isaiah 6:9-10

9 Yasisithi: Hamba, uthi kulababantu: Zwanini lizwe ^a, kodwa kaliyikuqedisisa; njalo bonani libone, kodwa kaliyikubonisisa. 10 Yenza inhliziyo yalababantu ikhuluphale ^b, wenze indlebe zabo zibe nzima, uvale amehlo abo ^c, hlezi babone ngamehlo abo ^d, bezwe ngendlebe zabo, baqedisise ngenhliziyo zabo, baphenduke, babesebesiliswa.

Isaiah 63:17

17 Nkosi, kungani usenza siduhe ezindleleni zakho ^e, usenza inhliziyo yethu ibe lukhuni ^f sisuka ekukwesabeni? Phenduka ngenxa yenceku zakho ^g, izizwe zelifa lakho ^h.

John 8:43

43 Kungani lingaqedisisi inkulumo yami? Ngoba lingeke lilizwe ilizwi lami ⁱ.

Acts 28:26-27

26 esithi: Hamba uye kulesisizwe ubususithi: Ngokuzwa lizakuzwa, njalo kalisoze liqedisise; lokubona lizabona, njalo kalisoze libonisise. 27 Ngoba inhliziyo yalesisizwe seyaba buthundu, njalo bezwa kanzima ngendlebe, lamehlo abo bawacimezile; hlezi babone ngamehlo, njalo bezwe ngendlebe, futhi baqedisise ngenhliziyo, njalo baphenduke, besengibasilisa ^j.