2Sa 24, Job 1:6-9, 12, Zec 3:1-2, Mat 4:10, Luk 10:18, 1Cor 7:5 | Ndebele | STEP | Lwaselubuya lwamvuthela uIsrayeli ulaka lukaJehova , wabavusela uDavida, esithi: Hamba ubale uIsrayeli loJuda .

1 Lwaselubuya lwamvuthela uIsrayeli ulaka lukaJehova ^{a
,} ^b, wabavusela uDavida, esithi: Hamba ubale uIsrayeli loJuda ^c. 2 Ngakho inkosi yathi kuJowabi induna yebutho eyayilaye: Hamba khathesi ubhode ezizweni zonke zakoIsrayeli, kusukela koDani kuze kube seBherishebha, libale abantu ukuze ngazi inani labantu ^d. 3 UJowabi wasesithi enkosini: Aluba iNkosi uNkulunkulu wakho ingandisa ebantwini, loba bebanengi kangakanani, kuphindwe ngokulikhulu, ukuthi amehlo enkosi yami, inkosi, akubone. Kodwa inkosi yami, inkosi, ithokozelani kulinto ^e? 4 Kodwa ilizwi lenkosi lalilamandla phezu kukaJowabi laphezu kwezinduna zebutho. Ngakho uJowabi lenduna zebutho baphuma phambi kwenkosi ukuze babale abantu, uIsrayeli.

5 Basebechapha iJordani, bamisa inkamba eAroweri ^f, ngakwesokunene komuzi ophakathi kwesifula seGadi, lamaqondana leJazeri ^g. 6 Basebefika eGileyadi lelizweni leTahetimi-Hodishi; bafika eDani-Jahani ^h, babhoda ngaseSidoni ⁱ, 7 bafika enqabeni yeTire ^j lemizini yonke yamaHivi ^k leyamaKhanani ^l; baphuma baya eningizimu yakoJuda, eBherishebha. 8 Sebebhode badabula ilizwe lonke, bafika eJerusalema ekupheleni kwenyanga eziyisificamunwemunye lensuku ezingamatshumi amabili. 9 UJowabi waseyinika inkosi inani lokubalwa kwabantu; njalo kwakukhona koIsrayeli amaqhawe ayizinkulungwane ezingamakhulu ayisificaminwembili ^m ahwatsha inkemba ⁿ; lamadoda akoJuda ayengamadoda ayizinkulungwane ezingamakhulu amahlanu.

10 Inhliziyo kaDavida yasimtshaya emva kokuthi esebale abantu ^o. UDavida wasesithi eNkosini: Ngonile kakhulu ngalokho engikwenzileyo. Ngakho-ke, Nkosi, ngiyakuncenga, susa ububi benceku yakho ^p, ngoba ngenze ngobuthutha obukhulu ^q. 11 Kwathi uDavida esevukile ekuseni, kwafika ilizwi leNkosi kuGadi umprofethi ^r, umboni kaDavida ^s, lisithi: 12 Hamba uthi kuDavida: Itsho njalo iNkosi ithi: Ngikubekela okuthathu; zikhethele okukodwa kukho, ukuthi ngikwenze kuwe. 13 UGadi wasefika kuDavida, wamtshela wathi kuye: Kufike kuwe yini iminyaka eyisikhombisa yendlala elizweni lakini? Loba ubalekele izitha zakho inyanga ezintathu zixotshana lawe? Ingabe kube khona umatshayabhuqe wesifo okwensuku ezintathu elizweni lakini? Khathesi cabanga, ubone ukuthi yimpendulo bani engizayibuyisela kongithumileyo ^t. 14 UDavida wasesithi kuGadi: Ngicindezelekile kakhulu; ake siwele esandleni seNkosi, ngoba izisa zayo zinkulu, kodwa kangingaweli esandleni somuntu.

15 Ngakho iNkosi yasibeka umatshayabhuqe wesifo kuIsrayeli, kusukela ekuseni kwaze kwaba sesikhathini esimisiweyo; kwasekusifa ebantwini abantu abayizinkulungwane ezingamatshumi ayisikhombisa kusukela koDani kwaze kwaba seBherishebha ^u. 16 Lapho ingilosi iselulela isandla sayo eJerusalema ukuyibhubhisa, iNkosi yazisola ngalobobubi ^v, yathi engilosini ^w eyayibhubhisa abantu ^x: Sekwanele. Khathesi finyeza isandla sakho. Ingilosi yeNkosi yayisebaleni lokubhulela likaArawuna umJebusi. 17 UDavida wasekhuluma eNkosini lapho ebona ingilosi eyayitshaya abantu, wathi: Khangela, mina ngonile, njalo mina ngenze okubi; pho, lezizimvu zenzeni? Isandla sakho ake simelane lami njalo simelane lendlu kababa ^y.

18 UGadi wasefika kuDavida ngalolosuku, wathi kuye: Yenyuka, umisele iNkosi ilathi ebaleni lokubhulela likaArawuna umJebusi. 19 UDavida wasesenyuka njengokutsho kukaGadi, njengokulaya kweNkosi. 20 UArawuna waselunguza, wabona inkosi lenceku zayo beqhubeka besiza kuye; uArawuna wasephuma wakhothama phambi kwenkosi ngobuso bakhe emhlabathini. 21 UArawuna wasesithi: Kungani inkosi yami, inkosi, ize encekwini yayo? UDavida wasesithi: Ukuthi ngithenge kuwe ibala lokubhulela, ukuthi ngakhele iNkosi ilathi ^z, ukuze inhlupheko ithinteke ingafiki ebantwini ^aa. 22 UArawuna wasesithi kuDavida: Inkosi yami, inkosi, kayithathe inikele lokho okuhle emehlweni ayo ^ab; bona, nanzi inkabi zomnikelo wokutshiswa, lezimbulo ^ac lezinto zenkabi kube zinkuni ^ad. 23 Konke lokhu, nkosi, uArawuna wakunika inkosi; uArawuna wasesithi enkosini: INkosi uNkulunkulu wakho kayikwemukele ^ae. 24 Inkosi yasisithi kuArawuna: Hatshi, kodwa ngizakuthenga lokukuthenga kuwe ngentengo; njalo kangiyikunikela iminikelo yokutshiswa engangibizanga lutho eNkosini uNkulunkulu wami. UDavida waselithenga ibala lokubhulela lezinkabi ngamashekeli* esiliva angamatshumi amahlanu ^af. 25 UDavida wasesakhela khona iNkosi ilathi, wanikela iminikelo yokutshiswa leminikelo yokuthula ^ag. Ngakho iNkosi yancengeka ngelizwe ^ah, inhlupheko yasithinteka phezu kukaIsrayeli ^ai.

Job 1:6-9

6 Kwasekusiba losuku ^aj lapho amadodana kaNkulunkulu eza ukuzimisa phambi kweNkosi, loSathane laye wafika phakathi kwawo ^ak. 7 INkosi yasisithi kuSathane: Uvela ngaphi? USathane wasephendula iNkosi wathi: Ekuzulazuleni emhlabeni lekuhambahambeni kuwo ^al. 8 INkosi yasisithi kuSathane: Ubekile yini inhliziyo yakho encekwini yami uJobe, ngoba kakho onjengayo emhlabeni, umuntu opheleleyo loqondileyo, owesaba uNkulunkulu loxwaya ububi ^am? 9 USathane wasephendula iNkosi wathi: UJobe umesabela ize uNkulunkulu yini?

Job 1:12

12 INkosi yasisithi kuSathane: Khangela konke alakho kusesandleni sakho; kuphela kuye ungeluleli isandla sakho. Wasephuma uSathane phambi kweNkosi.

Zechariah 3:1-2

1 Yasingitshengisa uJoshuwa ^an umpristi omkhulu ^ao emi phambi kwengilosi yeNkosi ^ap; loSathane emi esandleni sakhe sokunene ukumelana laye ^aq. 2 INkosi yasisithi kuSathane: INkosi kayikukhuze, wena Sathane, yebo kayikukhuze iNkosi ^ar, eyikhethileyo iJerusalema ^as. Lo kayisiso isikhuni yini esophulwe emlilweni ^at?

Matthew 4:10

10 UJesu wasesithi kuye: Suka, Sathane ^au! Ngoba kulotshiwe ukuthi: Uzakhothamela eNkosini uNkulunkulu wakho, njalo uzakhonza yona yodwa ^av.

Luke 10:18

18 Wasesithi kubo: Ngabona uSathane njengombane ^aw esiwa evela ezulwini ^ax.

1 Corinthians 7:5

5 Lingagodlelani ^ay, ngaphandle kokuvumelana okwesikhathi, ukuthi lizinikele ekuzileni ukudla lekukhulekeni ^az, libuye lihlangane futhi, ukuze uSathane ^ba angalilingi ^bb ngokungazithibi ^bc kwenu.