a10:2,10,12, 18:25; 2 Sam 21:1,2; 1 Kho 3:4,5, 9:2; Isa 28:21
b6:27
c9:12; Gen 30:32,33,35
d9:12; Gen 30:32,33,35
e5:10
f11:19; 2 Sam 21:2
gDute 7:2
h9:11; 2 Kho 10:5
iDute 20:15; Dute 20:10,11
j2:10, 6:27
kDute 1:4; Josh 12:4; 1 Lan 6:71
lNani 27:21
m11:19; 2 Sam 21:2
n18:25,26,28; Ezra 2:25
o15:9,60, 18:14; Hlu 18:12; 1 Sam 6:21, 7:1; 1 Lan 13:5,6; 2 Lan 1:4; Hlab 132:6

‏ Joshua 9:3-17

3Kwathi abahlali beGibeyoni a sebezwile lokho uJoshuwa ayekwenzile eJeriko laseAyi b, 4labo basebesenza ngobuqili; bahamba bazenza izithunywa, bathwalisa obabhemi babo amasaka agugileyo lemigodla yewayini egugileyo ledabukileyo lebekelweyo, 5lamanyathela agugileyo labekelweyo enyaweni zabo c, lezigqoko ezigugileyo bezigqokile, lezinkwa zonke zomphako wabo sezomile zikhuntile d. 6Basebesiya kuJoshuwa enkambeni eGiligali e, bathi kuye lemadodeni akoIsrayeli: Sivela elizweni elikhatshana, ngakho-ke yenzani isivumelwano lathi. 7Kodwa amadoda akoIsrayeli athi kumaHivi f: Mhlawumbe lihlala phakathi kwethu; pho, singenza njani isivumelwano lenu g? 8Asesithi kuJoshuwa: Sizinceku zakho h. UJoshuwa wasesithi kiwo: Lingobani? Njalo livela ngaphi? 9Asesithi kuye: Izinceku zakho zivela elizweni elikhatshana kakhulu, ngenxa yebizo leNkosi uNkulunkulu wakho i, ngoba sizwile indumela yayo lakho konke eyakwenza eGibhithe j, 10lakho konke eyakwenza emakhosini amabili amaAmori ayengaphetsheya kweJordani, uSihoni inkosi yeHeshiboni, loOgi inkosi yeBashani, eyayiseAshitarothi k. 11Ngakho abadala bethu labo bonke abakhileyo elizweni lakithi bakhuluma kithi besithi: Thathani umphako wendlela esandleni senu, lihambe liyehlangana labo, lithi kibo: Sizinceku zenu; ngakho-ke yenzani isivumelwano lathi. 12Lesisinkwa sethu sasithatha sitshisa singumphako wethu ezindlini zethu mhla siphumayo sisiza kini; kodwa khathesi, khangela, sesomile sakhunta. 13Lalimigodla yewayini esayigcwalisayo yayimitsha; kodwa khangela, isidabukile. Lalezizigqoko zethu lamanyathela ethu sekugugiswe luhambo olude kakhulu. 14Ngakho amadoda athatha kokomphako wabo, engabuzanga umlomo weNkosi l. 15UJoshuwa wasesenza ukuthula labo, wenza isivumelwano labo sokubayekela baphile, lezinduna zenhlangano zafunga kibo m.

16Kwasekusithi ekupheleni kwensuku ezintathu emva kokuthi sebenzile isivumelwano labo, bezwa ukuthi bangomakhelwane babo, lokuthi babehlala phakathi kwabo. 17Abantwana bakoIsrayeli basebesuka bafika emizini yabo ngosuku lwesithathu. Njalo imizi yabo yayiyiGibeyoni leKefira leBherothi n leKiriyathi-Jeyarimi o.
Copyright information for Ndebele