Judg 1:21, 27-36 | Ndebele | STEP | Kodwa abantwana bakoBhenjamini kabawaxotshanga elifeni amaJebusi ayehlala eJerusalema ; ngakho amaJebusi ahlala labantwana bakoBhenjamini eJerusalema kuze kube lamuhla .

Judges 1:21

21 Kodwa abantwana bakoBhenjamini kabawaxotshanga elifeni amaJebusi ayehlala eJerusalema ^a; ngakho amaJebusi ahlala labantwana bakoBhenjamini eJerusalema kuze kube lamuhla ^b.

Judges 1:27-36

27 UManase kaxotshanga-ke iBeti-Sheyani lemizana yayo ^c, leThahanakhi lemizana yayo, labahlali beDori lemizana yayo, labahlali beIbileyamu lemizana yayo, labahlali beMegido lemizana yayo; kodwa amaKhanani afuna ukuhlala kulelolizwe. 28 Kwasekusithi uIsrayeli eselamandla wawamisa amaKhanani kusibhalo, kodwa kawaxotshanga lokuwaxotsha elifeni.

29 UEfrayimi kawaxotshanga-ke elifeni amaKhanani ayehlala eGezeri ^d, kodwa amaKhanani ahlala eGezeri phakathi kwabo ^e.

30 UZebuluni kabaxotshanga elifeni abahlali beKitroni labahlali beNahaloli ^f, kodwa amaKhanani ahlala phakathi kwabo, aba yizibhalwa.

31 UAsheri kabaxotshanga elifeni abahlali beAko labahlali beSidoni ^g leAhilabi leAkizibi ^h leHeliba leAfiki ⁱ leRehobi ^j; 32 kodwa abakoAsheri bahlala phakathi kwamaKhanani ^k abahlali belizwe, ngoba kabawaxotshanga elifeni.

33 UNafithali kabaxotshanga elifeni abahlali beBeti-Shemeshi ^l labahlali beBeti-Anathi ^m, kodwa wahlala phakathi kwamaKhanani ⁿ, abahlali belizwe; kodwa abahlali beBeti-Shemeshi labeBeti-Anathi baba yizibhalwa kubo ^o.

34 AmaAmori asebafuqela abantwana bakoDani entabeni ^p, ngoba kawabavumelanga ukwehlela esigodini. 35 Kodwa amaAmori ayefuna ukuhlala entabeni yeHeresi ^q eAjaloni ^r leShahalibimi ^s, kodwa isandla sendlu kaJosefa saba nzima, aba yizibhalwa. 36 Umngcele wamaAmori wawusukela emqansweni weAkirabimi, uvela edwaleni usiya phezulu.