Lev 26:20, Deu 11:17, Psa 67:6, 85:12, Eze 34:27, 36:30, Zec 8:12 | Ndebele | STEP | lamandla enu azachithelwa ize , ngoba ilizwe lenu kaliyikuveza isivuno salo, lezihlahla zelizwe kaziyikuthela isithelo sazo .

Leviticus 26:20

20 lamandla enu azachithelwa ize ^a, ngoba ilizwe lenu kaliyikuveza isivuno salo, lezihlahla zelizwe kaziyikuthela isithelo sazo ^b.

Deuteronomy 11:17

17 ukuze ulaka lweNkosi lulivuthele ^c, njalo ivale amazulu, ukuze kungabi khona izulu ^d, lelizwe lingatheli isivuno salo ^e, libhubhe masinyane lisuke elizweni elihle iNkosi elinika lona ^f.

Psalms 67:6

6 Umhlaba uzathela izithelo zawo; uNkulunkulu, uNkulunkulu wethu uzasibusisa ^g.

Psalms 85:12

12 Yebo, iNkosi izanika okuhle ^h, lelizwe lethu lizathela isivuno salo ⁱ.

Ezekiel 34:27

27 Lesihlahla sasendle sizathela izithelo zaso ^j, lomhlaba uveze isivuno sawo ^{k
,} ^l; njalo zizakuba ngezivikelekileyo elizweni lazo ^m, zazi ukuthi ngiyiNkosi ⁿ, nxa sengephule izikeyi zejogwe lazo ^o, ngizophule esandleni salabo abazisebenzisayo ^p.

Ezekiel 36:30

30 Ngandise isithelo sesihlahla, lesivuno sensimu, ukuze lingaphindi lemukele ihlazo lendlala phakathi kwezizwe ^q.

Zechariah 8:12

12 Ngoba inhlanyelo ^r izaphumelela ^s, ivini lithele ^t izithelo zalo ^u, lomhlabathi uphe isivuno sawo ^v, lamazulu aphe amazolo awo ^w; njalo ngizakwenza insali yalababantu ukuthi idle ilifa lazo zonke lezizinto ^x.