Luke 7:1-10
1Kwathi eseqedile amazwi akhe wonke endlebeni zabantu, wangena eKapenawume a. 2Njalo inceku yenduna yekhulu ethile, eyayiligugu kuyo, yayigula isizakufa b. 3Kwathi isizwile ngoJesu, yathuma kuye abadala bamaJuda c, imcela, ukuze eze asilise inceku yayo d. 4Kwathi bona, sebefikile kuJesu, bamncenga kakhulu, besithi: Yona kufanele ukuthi uyenzele lokhu e; 5ngoba iyasithanda isizwe sakithi, njalo yiyo eyasakhela isinagoge f. 6UJesu wasehamba labo. Kwathi engasekhatshana lendlu, induna yekhulu yathuma abangane g kuye, isithi kuye: Nkosi, ungazikhathazi; ngoba kangifanele ukuthi ungene ngaphansi kophahla lwami; 7yikho kangizibonanga ngifanele ukuza kuwe; kodwa khuluma ngelizwi, njalo inceku yami izasiliswa. 8Ngoba lami ngingumuntu obekwe ngaphansi kwamandla, ngilamabutho ngaphansi kwami, njalo ngithi kuleli: Hamba, njalo lihambe; lakwelinye: Woza, njalo lize; lencekwini yami: Yenza lokhu, njalo ikwenze h. 9Kwathi uJesu ezizwa lezizinto wamangala ngayo, watshibilika, wathi exukwini elimlandelayo: Ngithi kini, angitholanga ukholo olungaka ngitsho lakoIsrayeli i. 10Kwathi ababethunyiwe sebebuyele endlini bafica inceku eyayigula isisilile.
Copyright information for
Ndebele