Luk 7:37-50 | Ndebele | STEP | Njalo khangela, owesifazana kulowomuzi, owayeyisoni, esekwazi ukuthi uJesu uhlezi ekudleni endlini yomFarisi, waletha umfuma we-alibasta * owamagcobo ,

Luke 7:37-50

37 Njalo khangela, owesifazana kulowomuzi, owayeyisoni, esekwazi ukuthi uJesu uhlezi ekudleni endlini yomFarisi, waletha umfuma we-alibasta* owamagcobo ^a, 38 wasesima eceleni kwenyawo zakhe ngemva kwakhe ekhala, waqala ukuthambisa inyawo zakhe ngenyembezi, wazesula ngenwele zekhanda lakhe, wanga inyawo zakhe, wazigcoba ngamagcobo ^b. 39 Kuthe umFarisi obemnxusile ekubona wakhulumela ngaphakathi kwakhe wathi: Lo ^c, uba ebengumprofethi ^d, ngabe uyamazi ukuthi ungubani lokuthi unjani lo owesifazana omthintayo, ngoba uyisoni. 40 UJesu wasephendula wathi kuye: Simoni, ngilengizakukhuluma lawe ^e. Yena wasesithi: Khuluma, Mfundisi. 41 Kwakukhona ababili ababelezikwelede kumkweledisi othile; omunye wayelomlandu wabodenariyo* abangamakhulu amahlanu, lomunye abangamatshumi amahlanu. 42 Kwathi bengelakho okokuhlawula ngakho, wabaxolela bobabili ^f. Kambe nguwuphi kubo, tshono, ozamthanda okwedlulisileyo? 43 USimoni wasephendula wathi: Ngicabanga ngulowo amxolela okwedlulisileyo. Wathi kuye: Wahlulele ngokuqonda. 44 Wasetshibilikela kowesifazana, wathi kuSimoni: Uyambona lo owesifazana yini? Ngingene endlini yakho, amanzi enyaweni zami kawunginikanga ^g; kodwa yena uzithambisile inyawo zami ngenyembezi zakhe ^h, wazesula ngenwele zekhanda lakhe ⁱ. 45 Kawunganganga; kodwa yena, lokhu ngingenile, kayekelanga ukwanga inyawo zami ^j. 46 Ngamagcobo ikhanda lami kawuligcobanga; kodwa yena ugcobile inyawo zami ngamakha ^k. 47 Ngenxa yalokhu, ngithi kuwe: Izono zakhe ezinengi zithethelelwe, ngoba uthandile kakhulu; kodwa lowo othethelelwa kancinyane, uthanda kancinyane ^l. 48 Wasesithi kuye: Zithethelelwe izono zakho ^m. 49 Ababehlezi laye ekudleni basebeqala ukukhulumisana bodwa besithi: Ngubani lo othethelela lezono ⁿ? 50 Wasesithi kowesifazana: Ukholo ^o lwakho ^p lukusindisile ^q; hamba ngokuthula ^r.