Mar 10:32-34, Luk 18:31-34 | Ndebele | STEP | Njalo babesendleleni besenyukela eJerusalema ; uJesu wayesehamba phambi kwabo , njalo babemangele, belandela babesesaba . Wasethatha futhi abalitshumi lambili, waqala ukubatshela izinto ezazizakwenzakala kuye

Mark 10:32-34

UJesu uphinda akhulume ngokufa lokuvuka kwakhe

32 Njalo babesendleleni besenyukela eJerusalema ^a; uJesu wayesehamba phambi kwabo ^b, njalo babemangele, belandela babesesaba ^c. Wasethatha futhi abalitshumi lambili, waqala ukubatshela izinto ezazizakwenzakala kuye 33 ukuthi: Khangelani, senyukela eJerusalema, futhi iNdodana yomuntu izanikelwa kubapristi abakhulu lakubabhali, njalo bazayigwebela ukufa, bayinikele kwabezizwe, 34 bazayiyangisa, bayitshaye ngesiswepu, bayikhafulele amathe ^d, bayibulale; njalo ngosuku lwesithathu izabuya ivuke ekufeni.

Luke 18:31-34

UJesu ukhuluma ngokuhlupheka kwakhe

31 Wasezithathela abalitshumi lambili, wathi kubo: Khangelani, senyukela eJerusalema ^e, futhi konke okulotshiweyo ngabaprofethi ngeNdodana yomuntu kuzagcwaliseka ^f. 32 Ngoba izanikelwa kwabezizwe, iyangiswe ^g, ithukwe ^h, ikhafulelwe ngamathe ⁱ, 33 bayitshaye ngesiswepu bayibulale; njalo ngosuku lwesithathu izabuya ivuke. 34 Kodwa bona kabaqedisisanga lutho ngalezizinto ^j, lalinkulumo yayifihlakele kubo, njalo kabaziqedisisanga izinto ezazitshiwo ^k.