Mar 14:22-25, Luk 22:19-20, 1Cor 11:23-25 | Ndebele | STEP | Kwathi besidla, uJesu wathatha isinkwa, wa si busisa wa si hlephula, wabanika, wathi: Thathani, lidle; lokhu kungumzimba wami.

Mark 14:22-25

22 Kwathi besidla, uJesu wathatha isinkwa, wasibusisa wasihlephula, wabanika, wathi: Thathani, lidle; lokhu kungumzimba wami. 23 Wasethatha inkezo, esebongile wabanika; basebenatha kuyo bonke. 24 Wasesithi kubo: Leli ligazi lami, elesivumelwano esitsha, elichithelwa abanengi ^a. 25 Ngiqinisile ngithi kini: Angisayikunatha okwesithelo sevini, kuze kufike lolosuku engizasinatha ngalo sisitsha embusweni kaNkulunkulu.

Luke 22:19-20

19 Wasethatha isinkwa ^b, esebongile ^c wasihlephuna, wabanika, esithi: Lokhu kungumzimba wami, owanikelelwa lina; lokhu kwenzeni ukungikhumbula ^d. 20 Ngokunjalo lenkezo emva kokudla, esithi: Inkezo le iyisivumelwano esitsha egazini lami, elichithelwa lina.

1 Corinthians 11:23-25

Indlela yokuphatha isidlo seNkosi

23 Ngoba mina ngakwemukela ^e eNkosini, lokho lami engalinika khona, ukuthi iNkosi uJesu ^f ngobusuku eyanikelwa ngabo yathatha isinkwa, 24 isibongile yasihlephuna ^g, yathi: Thathani, lidle, lokhu kungumzimba wami owahletshunelwa lina ^h; lokhu kwenzeni ukungikhumbula ^{i
,} ^{j
,} ^{▼▼ ukungikhumbula: Gr. kube yisikhumbuzo sami.}. 25 Ngokunjalo lenkezo, sebedlile ^l, yathi: Inkezo le iyisivumelwano esitsha egazini lami; lokhu kwenzeni, loba nini liyinatha, ukungikhumbula.