Mar 14:3-9, Luk 7:36-50, Joh 12:1-8 | Ndebele | STEP | Kwathi eseBethani, endlini kaSimoni umlephero, ehlezi ekudleni, kwafika owesifazana ephethe umfuma we-alibasta * wamagcobo awenadi * uqobo aligugu elikhulu; wasephahlaza umfuma we-alibasta, wa wa thela ekhanda lakhe.

Mark 14:3-9

UJesu uyagcotshwa eBethani

3 Kwathi eseBethani, endlini kaSimoni umlephero, ehlezi ekudleni, kwafika owesifazana ephethe umfuma we-alibasta* wamagcobo awenadi* uqobo aligugu elikhulu; wasephahlaza umfuma we-alibasta, wawathela ekhanda lakhe. 4 Kwakukhona abanye abathukuthelayo ngaphakathi kwabo, besithi: Kwenzelwani ukumotshwa kwalamagcobo? 5 Ngoba la abengathengiswa ngemali edlula odenariyo* abangamakhulu amathathu, besekunikwa abayanga. Basebemsola. 6 Kodwa uJesu wathi: Myekeleni; limhluphelani? Wenze umsebenzi omuhle kimi. 7 Ngoba abayanga lihlala lilabo, futhi uba lithanda lingabenzela okuhle; kodwa mina kalihlali lilami ^a. 8 Yena wenzile abengakwenza; uqalile ngaphambili ukuwugcobela ukungcwatshwa umzimba wami ^b. 9 Ngiqinisile ngithi kini: Loba ngaphi emhlabeni wonke lapho okuzatshunyayelwa khona lelivangeli, lalokhu akwenzileyo kuzakhulunywa ngakho kube yisikhumbuzo ngaye.

Luke 7:36-50

Owesifazana oyisoni endlini yomFarisi

36 Omunye wabaFarisi wasemcela ukuthi adle laye; esengenile endlini yomFarisi wahlala ekudleni ^c. 37 Njalo khangela, owesifazana kulowomuzi, owayeyisoni, esekwazi ukuthi uJesu uhlezi ekudleni endlini yomFarisi, waletha umfuma we-alibasta* owamagcobo ^d, 38 wasesima eceleni kwenyawo zakhe ngemva kwakhe ekhala, waqala ukuthambisa inyawo zakhe ngenyembezi, wazesula ngenwele zekhanda lakhe, wanga inyawo zakhe, wazigcoba ngamagcobo ^e. 39 Kuthe umFarisi obemnxusile ekubona wakhulumela ngaphakathi kwakhe wathi: Lo ^f, uba ebengumprofethi ^g, ngabe uyamazi ukuthi ungubani lokuthi unjani lo owesifazana omthintayo, ngoba uyisoni. 40 UJesu wasephendula wathi kuye: Simoni, ngilengizakukhuluma lawe ^h. Yena wasesithi: Khuluma, Mfundisi. 41 Kwakukhona ababili ababelezikwelede kumkweledisi othile; omunye wayelomlandu wabodenariyo* abangamakhulu amahlanu, lomunye abangamatshumi amahlanu. 42 Kwathi bengelakho okokuhlawula ngakho, wabaxolela bobabili ⁱ. Kambe nguwuphi kubo, tshono, ozamthanda okwedlulisileyo? 43 USimoni wasephendula wathi: Ngicabanga ngulowo amxolela okwedlulisileyo. Wathi kuye: Wahlulele ngokuqonda. 44 Wasetshibilikela kowesifazana, wathi kuSimoni: Uyambona lo owesifazana yini? Ngingene endlini yakho, amanzi enyaweni zami kawunginikanga ^j; kodwa yena uzithambisile inyawo zami ngenyembezi zakhe ^k, wazesula ngenwele zekhanda lakhe ^l. 45 Kawunganganga; kodwa yena, lokhu ngingenile, kayekelanga ukwanga inyawo zami ^m. 46 Ngamagcobo ikhanda lami kawuligcobanga; kodwa yena ugcobile inyawo zami ngamakha ⁿ. 47 Ngenxa yalokhu, ngithi kuwe: Izono zakhe ezinengi zithethelelwe, ngoba uthandile kakhulu; kodwa lowo othethelelwa kancinyane, uthanda kancinyane ^o. 48 Wasesithi kuye: Zithethelelwe izono zakho ^p. 49 Ababehlezi laye ekudleni basebeqala ukukhulumisana bodwa besithi: Ngubani lo othethelela lezono ^q? 50 Wasesithi kowesifazana: Ukholo ^r lwakho ^s lukusindisile ^t; hamba ngokuthula ^u.

John 12:1-8

1 Kwathi kuselensuku eziyisithupha lingakafiki ^v iphasika ^w, uJesu wafika eBethani ^x, lapho okwakuloLazaro khona owayefile, ayemvuse kwabafileyo ^y. 2 Basebemenzela ukudla kwantambama lapho ^z, loMarta wayesebenza ^{aa
,} ^ab; njalo uLazaro wayengomunye walabo ababehlezi ekudleni laye.

3 UMariya ^ac wasethatha iphawundi yamagcobo awenadi* uqobo adulayo ^ad, wagcoba inyawo zikaJesu ^ae, wesula inyawo zakhe ngenwele zakhe; lendlu yagcwala iphunga lamagcobo. 4 Ngakho omunye wabafundi bakhe, uJudasi Iskariyothi kaSimoni, owayezamnikela ^af, wathi: 5 Kungani amafutha la engathengiswanga ngabodenariyo* abangamakhulu amathathu, kwasekunikwa abayanga ^ag? 6 Wakutsho-ke lokhu, kungeyisikho ukuthi ekhathalele abayanga, kodwa ngoba wayelisela, wayelesikhwama ^ah, ethwala okwakufakwa phakathi kwaso ^ai. 7 UJesu wasesithi: Myekeleni; uwalondolozele usuku lokungcwatshwa kwami ^aj. 8 Ngoba abayanga lihlala lilabo, kodwa mina kalihlali lilami.