Mark 14:32-42
EGetsemane
32Basebefika endaweni ebizo layo yiGetsemane; wasesithi kubafundi bakhe: Hlalani phansi lapha, ngisayakhuleka a. 33Wasethatha kanye laye uPetro loJakobe loJohane, waseqala ukudatshulwa sibili lokukhathazeka kakhulu. 34Wasesithi kubo: Umphefumulo wami udabukile kakhulu kuze kube sekufeni; hlalani lapha lilinde b. 35Waseqhubeka ibangana, wawela emhlabathini, wakhuleka ukuthi, uba kungenzeka, kudlule kuye lelihola c. 36Wasesithi: Abha*, Baba d, zonke izinto ziyenzeka kuwe. Susa linkezo kimi e; kodwa kungabi yikuthi ngithandani mina, kodwa kube yikuthi uthandani wena f. 37Wasesiza, wabafica belele, wathi kuPetro: Simoni, ulele yini? Ubungelinde yini ihola libe linye? 38Lindani likhuleke, ukuze lingangeni ekulingweni. Umoya uyavuma-ke, kodwa inyama ibuthakathaka. 39Wasebuya wahamba wayakhuleka, esitsho wona lawomazwi g. 40Wasebuya wabafica futhi belele; ngoba amehlo abo ayenzima, kodwa babengazi ukuthi bazamphendula bathini h. 41Wasesiza ngokwesithathu, wathi kubo: Qhubekani-ke lilele, liphumule. Kwanele; ihola selifikile; khangelani, iNdodana yomuntu iyanikelwa ezandleni zezoni. 42Sukumani, sihambe; khangelani, onginikelayo useduze i.Luke 22:39-42
EGetsemane
39Wasephuma j waya entabeni yeMihlwathi k njengokwejwayela l; labafundi bakhe bamlandela. 40Esefikile kuleyondawo, wathi kubo m: Khulekani ukuthi lingangeni ekulingweni n. 41Yena wasemonyuka kubo okungaba libanga lokuphosa ilitshe, waguqa phansi ngamadolo wakhuleka o, 42esithi: Baba, uba uthanda, susa linkezo kimi; kodwa-ke kungenziwa intando yami, kodwa eyakho.Luke 22:45-46
45Esesukumile emkhulekweni, weza kubafundi bakhe, wabafica belele ngenxa yokudabuka, 46wasesithi kubo: Lilaleleni? Vukani likhuleke, ukuze lingangeni ekulingweni p.
Copyright information for
Ndebele