aMat 26:47-56; Luka 22:47-53; Joha 18:3-11
bMat 26:47-56; Mark 14:43-50; Joha 18:3-11
c22:38
dMat 20:34
e22:4
fMark 14:35
gKol 1:13; Seb 26:18; Efe 6:12; Joha 19:11
hMat 26:47-56; Mark 14:43-50; Luka 22:47-53
i18:12; Mat 27:27; Mark 15:16; Seb 10:1, 21:31, 27:1
j18:12,18,22; Mat 26:58
kMat 25:1; Isam 4:5, 8:10; Seb 20:8
l18:7, 1:38
m17:12, 17:2
nMat 20:22

Mark 14:43-50

Ukubotshwa kukaJesu lokuthethwa kwecala lakhe

43Kwathi esakhuluma, wahle wafika uJudasi, omunye wabalitshumi lambili, njalo elexuku elikhulu elilezinkemba lezinduku, livela kubapristi abakhulu lababhali labadala. 44Lomnikelayo wayebanike isiboniso, esithi: Lowo engizamanga, nguye; limbambe, limqhube limqinise. 45Esefikile, wahle wasondela kuye wathi: Rabi*, Rabi! Wasemanga. 46Basebemdumela, bambamba. 47Lomunye kwababemi khona wakhokha inkemba wagadla inceku yompristi omkhulu, waquma indlebe yayo.

48UJesu wasephendula wathi kubo: Liphume njengokuyamelana lomphangi yini lilezinkemba lezinduku ukuzangibamba? 49Bengilani insuku ngensuku ethempelini ngifundisa, kodwa kalingibambanga - kodwa ukuze kugcwaliseke imibhalo a. 50Bonke basebemtshiya babaleka.

Luke 22:47-53

Ukubotshwa kukaJesu

47Kwathi esakhuluma b, khangela, ixuku, lalowo okuthiwa nguJudasi, omunye wabalitshumi lambili, ehamba phambi kwabo, wasesondela kuJesu ukumanga. 48Kodwa uJesu wathi kuye: Judasi, uyayinikela yini iNdodana yomuntu ngokuyanga? 49Kwathi labo ababengakuye sebebona okuzakwenzeka bathi kuye: Nkosi, sigadle yini ngenkemba c? 50Omunye wabo wasegadla inceku yompristi omkhulu, waquma indlebe yayo yokunene. 51Kodwa uJesu waphendula wathi: Yekelani kuze kube yilokhu. Wasethinta indlebe yayo, wayisilisa d.

52UJesu wasesithi kubapristi abakhulu lezinduna zethempeli labadala ababeze kuye e: Liphume njengokuyamelana lomphangi yini lilezinkemba lezinduku? 53Nxa bengilani insuku ngensuku ethempelini, kalelulanga izandla ukumelana lami; kodwa leli lihola lenu f, lamandla obumnyama g.

John 18:3-11

3Ngakho uJudasi, esethethe h isigaba samabutho i, labancedisi abavela kubapristi abakhulu labaFarisi j, waya khona belezibane lamalambi lezikhali k. 4Kwathi uJesu, ekwazi konke okwakuzamehlela, waphuma wathi kubo: Lidinga bani l? 5Bamphendula bathi: UJesu weNazaretha. UJesu wathi kubo: Mina nginguye. LoJudasi owamnikelayo laye wayemi labo. 6Ngakho kuthe esithi kubo: Mina nginguye; bahlehla nyovane, bawela phansi. 7Wasephinda wababuza wathi: Lidinga bani? Basebesithi: UJesu weNazaretha. 8UJesu waphendula wathi: Ngilitshelile ukuthi mina nginguye; ngakho uba lidinga mina, yekelani laba bahambe; 9ukuze ligcwaliseke ilizwi ayelikhulumile elokuthi: Kulabo owanginika bona, angilahlekelwanga lamunye wabo m. 10Kwathi uSimoni Petro elenkemba wayihwatsha, wagadla inceku yompristi omkhulu, waquma indlebe yayo yokunene. Lebizo lenceku lalinguMalikusi. 11UJesu wasesithi kuPetro: Faka inkemba yakho esikhwameni; inkezo uBaba anginike yona, kangiyikuyinatha yini n?

Copyright information for Ndebele