Mark 14:66-72
UPetro ulandula uJesu
66UPetro esegumeni ngaphansi a, kwafika enye yezincekukazi zompristi omkhulu b; 67isibona uPetro esotha, yamkhangela yathi: Lawe ubulomNazaretha, uJesu c. 68Kodwa waphika, wathi: Kangikwazi, futhi kangikuqedisisi okutshoyo. Wasephuma phandle, waya entubeni; laselikhala iqhude d. 69Njalo incekukazi encane yabuya yambona, yaqala ukutsho kwababemi khona ukuthi: Lo ungomunye wabo e. 70Kodwa wabuya waphika. Kwathi emva kwesikhatshana futhi labo ababemi khona bathi kuPetro: Ngeqiniso ungomunye wabo; ngoba lawe ungumGalili f, lolimi lwakho luyavumelana g. 71Waseqala ukuqalekisa lokufunga esithi: Kangimazi lumuntu elimtshoyo. 72Iqhude laselikhala ngokwesibili. UPetro wasekhumbula ilizwi uJesu ayelitshilo kuye lokuthi: Lingakakhali kabili iqhude, uzangiphika kathathu h. Esenakane ngalokhu wakhala.Luke 22:55-62
55Sebebasile umlilo i phakathi kweguma j, sebehlezi phansi ndawonye, uPetro wahlala phakathi kwabo. 56Kodwa incekukazi ethile imbona ehlezi emlilweni, yamjolozela k, yathi: Lumuntu laye ube laye. 57Kodwa wamphika, wathi: Mama, kangimazi. 58Emva kwesikhatshana omunye l wasembona wathi m: Lawe ungomunye wabo. Kodwa uPetro wathi: Ndoda, kangisuye. 59Sekungaba kwedlule ihola elilodwa, omunye waqinisa, esithi: Isibili laye ube laye; ngoba futhi ungumGalili. 60Kodwa uPetro wathi: Ndoda, kangazi ukuthi uthini. Njalo khonokho esakhuluma lakhala iqhude. 61INkosi yasiphenduka yamkhangela uPetro n. UPetro waselikhumbula ilizwi leNkosi, ukuthi yakhuluma njani kuye isithi: Iqhude lingakakhali, uzangiphika kathathu o. 62UPetro wasephuma phandle wakhala kabuhlungu.John 18:16-18
16kodwa uPetro wayemi ngaphandle emnyango p. Wasephuma lowomfundi omunye owayesaziwa ngumpristi omkhulu, wasekhuluma lomlindisangokazi, wamngenisa uPetro q. 17Incekukazi encane engumlindisango yasisithi kuPetro: Kawusuye lawe omunye wabafundi balumuntu yini? Yena wathi: Kangisuye r. 18Njalo izinceku labancedisi s babemi bebase umlilo wamalahle, ngoba kwakumakhaza t, njalo besotha; uPetro laye wayemi labo esotha.John 18:25-27
25Kodwa uSimoni Petro wayemi esotha u; basebesithi kuye: Kawusuye lawe omunye wabafundi bakhe yini? Waphika yena, wathi: Kangisuye v. 26Omunye wezinceku zompristi omkhulu, oyisinini somuntu uPetro aquma indlebe yakhe w, wathi: Mina kangikubonanga yini esivandeni ulaye? 27UPetro wasebuya ephika; njalo lahle lakhala iqhude x.
Copyright information for
Ndebele